ەرتىس وزەنىندە كوكتەمگى مۇز قوزعالىسى باستالدى. پاۆلودار وبلىستىق توتەنشە جاعدايلار دەپارتامەنتىنىڭ مالىمەتىنشە, مۇز ماسسالارىنىڭ جىلجۋىنا بايلانىستى وزەندەگى سۋ دەڭگەيى تاۋلىك بويى باقىلاۋعا الىنعان. قازىرگى ۋاقىتتا ءىرى مۇز كەپتەلىستەرى تىركەلمەگەن, دەپ حابارلايدى Egemen.kz.
وزەن جاعاسىندا ورنالاسقان ەلدى مەكەندەردىڭ تۇرعىندارى بۇل تابيعي قۇبىلىستى قىزىعۋشىلىقپەن باقىلاپ وتىر.
مامانداردىڭ ايتۋىنشا, كوپجىلدىق باقىلاۋ ناتيجەسىنە سايكەس, سوڭعى جىلدارى مۇز ءجۇرۋىنىڭ قارقىنى باسەڭدەپ كەلەدى. بۇعان اۋا تەمپەراتۋراسىنىڭ وزگەرۋى سەكىلدى ءتۇرلى فاكتورلار اسەر ەتىپ جاتىر. سونىمەن قاتار, وزەننىڭ 60-70 شاقىرىمدىق بولىگى قىس مەزگىلىندە تولىق قاتپايدى. وسىعان بايلانىستى ەرتىستە بۇرىنعىداي ءىرى مۇز كەپتەلىستەرى سيرەك بايقالادى.
ەرتىس ورمانىندا قۇستىڭ 90 ءتۇرى بار
مۇز ءجۇرۋ كەزەڭىندە توتەنشە جاعدايلار قىزمەتىنىڭ ماماندارى تاۋلىك بويى كەزەكشىلىك ۇيىمداستىرىپ, وزەندەگى سۋ دەڭگەيىنە ۇزدىكسىز مونيتورينگ جۇرگىزەدى.
ەرتىستە سەڭ قاشان جۇرەدى؟
ال مۇز تولىق وتكەننەن كەيىن پاۆلودار وڭىرىنە شىعىس ايماقتارداعى سۋ قويمالارىنان جىبەرىلەتىن سۋدىڭ ەداۋىر كولەمى كەلىپ تۇسەدى.