پرەزيدەنت ن.نازارباەۆتىڭ «100 ناقتى قادام» – ۇلت جوسپارىنا سايكەس, ورتالىق مەملەكەتتىك ورگانداردا وسى قوعامدىق ينستيتۋتتىڭ جاڭا فورماتىن قۇرۋدى كوزدەيتىن «قوعامدىق كەڭەستەر تۋرالى» زاڭ قابىلداندى.
وسى زاڭ مەملەكەتتىڭ حالىق الدىندا ەسەپ بەرۋىن قالىپتاستىرۋ بويىنشا مەملەكەت ساياساتىن ءجۇزەگە اسىرۋعا, كوممەرتسيالىق ەمەس ۇيىمداردىڭ, ازاماتتاردىڭ بارلىق دەڭگەيدەگى مەملەكەتتىك ورگانداردىڭ شەشىم قابىلداۋىنا كەڭ ارالاسۋىن قامتاماسىز ەتۋگە باعىتتالعان جانە قوعامدىق كەڭەستەر قىزمەتىنىڭ قۇقىقتىق مارتەبەسىن قالىپتاستىرۋ جانە ۇيىمداستىرۋ ءتارتىبىن انىقتايدى. قوعامدىق كەڭەستەر قىزمەتىنىڭ ماقساتى قوعامدىق ماڭىزدى ماسەلەلەر بويىنشا ازاماتتىق قوعامنىڭ كوزقاراسىن ءبىلدىرۋ بولىپ تابىلادى. ال ونىڭ ءمىندەتتەرىنە ازاماتتىق قوعامنىڭ مۇددەسىن ءبىلدىرۋ جانە ءوزارا ءىس-قيمىلدى دامىتۋ, ورتالىق اتقارۋشى ورگاندار قىزمەتىنىڭ اشىقتىعىن قامتاماسىز ەتۋدە قوعامدىق باقىلاۋدى ۇيىمداستىرۋ جاتادى.
بۇل ورايدا اتالعان زاڭعا سايكەس قوعامدىق كەڭەستەردى جانە ولاردىڭ قۇرامىن مەملەكەتتىك ورگاننىڭ ءبىرىنشى باسشىسى باسقاراتىن جۇمىس توبى قالىپتاستىرادى. ازاماتتىق قوعامداردان جۇمىس توبىنىڭ مۇشەلەرىن ىرىكتەۋ ءتارتىبى, ونى وتكىزۋ مەرزىمى, قۇجاتتار ءتىزبەسى, جۇمىس توبىنىڭ وكىلەتتىگى جانە وزگە دە ماسەلەلەر ۇكىمەت بەكىتكەن ۇلگى نەگىزىندە ازىرلەنگەن قوعامدىق كەڭەس تۋرالى ەرەجەدە انىقتالادى. وسىعان بايلانىستى, قازىرگى ۋاقىتتا اتالعان زاڭعا سايكەس ءىىم جانىندا قوعامدىق كەڭەس تۋرالى ەرەجەنى ازىرلەۋ جانە سونداي-اق, كەڭەستىڭ قۇرامىن قۇرۋ بويىنشا جۇمىس توبى قۇرىلۋدا (تولىعىراق ءىىم-ءنىڭ سايتىندا mvd.gov.kz).
«ەگەمەن-اقپارات».