الماتى. 26 قاڭتار. الماتىدا ءىى ورتا ازيالىق «نان ونىمدەرى-2016» حالىقارالىق فورۋمى وتۋدە. بۇل تۋرالى الماتى قالاسى اكىمىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
جوبا وسى ايماقتا وڭىرارالىق ىنتىماقتاستىقتى دامىتاتىن بىردەن-ءبىر شارا بولىپ تابىلادى. ول ازىق-ت ۇلىك ونىمدەرىن, تاماق ونەركاسىبىنە جانە ءونىم وڭدەۋگە قاجەت تەحنولوگيالار مەن جابدىقتاردى كوپشىلىككە كەڭىنەن تانىستىراتىن, قوعامدىق تاماقتاندىرۋ سالاسىنا زاماناۋي ادىستەردى ءتيىمدى قولدانۋدىڭ, تاۋار وندىرۋشىلەر مەن ولاردى تۇتىنۋشىلار اراسىندا ەكى جاققا دا پايدالى كوممۋنيكاتسيانى قالىپتاستىرۋ الاڭى بولىپ تابىلادى.
«داعدارىس جاعدايىندا ورتا ازيادا نان-بولكە جانە كونديتەر ونىمدەرىن ءوندىرۋدى دامىتۋ» اتتى بيىلعى فورۋم اياسىندا نان-بولكە جانە كونديتەر ونىمدەرىن ءوندىرۋدى مودەرنيزاتسيالاۋ مەن كومپانيانىڭ وندىرىستىك قۋاتىن ارتتىرۋدا شەتەلدىك ينۆەستورلاردى تارتۋ, جاڭا جۇمىس ورىندارىن اشۋ, ءونىم ساپاسىن ارتتىرۋ, مەملەكەت تاراپىنان الەۋمەتتىك قولداۋدىڭ ارقاسىندا كىشى جانە ورتا بيزنەستى دامىتۋ, ءىرى كاسپورىنداردى مودەرنيزاتسيالاۋ ماسەلەلەرىن تالقىلاۋ كوزدەلگەن.
سول سياقتى حالىقارالىق جيىندا ءوندىرىس شىعىندارى مەن نان ونىمدەرىنىڭ وزىندىك قۇنىن ازايتۋ جولدارى, الەۋمەتتىك ناننىڭ قۇنىن وسىرمەۋ شارالارى ىزدەستىرىلۋدە.
ەكى كۇنگە سوزىلاتىن فورۋمعا قىرعىزستان, وزبەكستان, تاجىكستان, رەسەي, بەلارۋس جانە ەۋرووداققا مۇشە ەلدەردەن 200-گە تارتا كاسىپورىن قاتىسادى دەپ كۇتىلۋدە. فورۋمدا قازاقستاننىڭ تاماق ونەركاسىبى سالاسىنداعى كىشى جانە ورتا بيزنەسكە قولداۋ كورسەتىپ, جاڭا تەحنولوگيالاردى كەڭىنەن ەنگىزۋ, ءونىم ساپاسىن ارتتىرۋ, ەڭ باستىسى قازاقستاندىق برەند بويىنشا ءونىم شىعارۋ ماسەلەلەرى قاراستىرىلماق.
ايناش ەسالي.
دەرەك: الماتى قالاسى اكىمىنىڭ ءباسپاسوز قىزمەتى.
سۋرەت: egemen.kz.