قىزىلوردادا «بالالار تۇنگى قالادا» شاراسى قورىتىندىلاندى

قىزىلوردا. 26 قاڭتار. 22-24 قاڭتار ارالىعىندا وبلىس كولەمىندە مەملەكەتتىك ورگانداردىڭ, ۇكىمەتتىك ەمەس ۇيىمداردىڭ جانە بۇقارالىق اقپارات قۇرالدارىنىڭ وكىلدەرىن تارتا وتىرىپ, «بالالار تۇنگى قالادا» اتتى جەدەل-پروفيلاكتيكالىق ءىس-شاراسى وتكىزىلگەن بولاتىن. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. جۇرگىزىلگەن ءىس-شارا بارىسىندا ىشكى ىستەر ورگاندارىنا بارلىعى 279 كامەلەتكە تولماعاندار جەتكىزىلسە, ونىڭ ىشىندە 268 كامەلەتكە تولماعاندار ءتۇرلى اكىمشىلىك قۇقىق بۇزۋشىلىقتار جاساعاندارى ءۇشىن, قالعان 11-ءى قاداعالاۋسىز جانە پاناسىز قالعانى ءۇشىن اكەلىندى. سونىمەن قاتار, قر اقبتك-ءنىڭ 127-بابى بويىنشا, اتا-انانىڭ نەمەسە باسقا دا زاڭدى وكىلدەردىڭ بالالاردى تاربيەلەۋ جونىندەگى مىندەتتەردى ورىنداماعانى ءۇشىن بارلىعى 14 اتا-اناعا حاتتاما تولتىرىلسا, قر اقبتك-ءنىڭ 442-بابى (ساعات 22:00-دەن 06:00-گە دەيىن كامەلەتكە تولماعاندار تۇنگى ۋاقىتتا زاڭدى وكىلدەرىنىڭ ەرىپ ءجۇرۋىنسىز ويىن-ساۋىق مەكەمەلەرىندە بولۋى جانە ساعات 23:00-دەن 06:00-گە دەيىن زاڭدى وكىلدەرىنىڭ ەرىپ ءجۇرۋىنسىز تۇرعىن جايدان تىس جەردە بولۋى) بويىنشا بارلىعى 224 كامەلەتكە تولماعاندار انىقتالىپ, ولاردىڭ زاڭدى وكىلدەرىنە حاتتاما تولتىرىلدى. سونداي-اق, قر اقبتك-ءنىڭ 434-بابى (بۇزاقىلىق) جانە 435-بابى (كامەلەتكە تولماعان ادام جاساعان بۇزاقىلىق)  بويىنشا 26 كامەلەتكە تولماعاندار مەن ولاردىڭ زاڭدى وكىلدەرىنە حاتتاما تولتىرىلىپ, ءتيىستى شارا كورۋ ءۇشىن جەرگىلىكتى جەرلەردەگى اكىمشىلىك سوتتارعا جولداندى. قر اقبتك-ءنىڭ 437-بابى (تۇنگى تىنىشتىق بۇزۋ) بويىنشا 3 كامەلەتكە تولماعاندار, قر اقبتك-ءنىڭ 441-بابى (بەلگىلەنبەگەن قوعامدىق ورىندا تەمەكى شەگۋ) بويىنشا 13 كامەلەتكە تولماعاندارعا حاتتامالار تولتىرىلىپ, ايىپپۇل سالىندى. قر اقبتك-ءنىڭ 440-بابى, 2-ءبولىمى بويىنشا (جاسى ون سەگىزگە تولماعان ادامداردىڭ قوعامدىق ورىندارعا ماساڭ كۇيدە كەلۋى, سول سياقتى ولاردىڭ الكوگولدىك ىشىمدىكتەردى ءىشۋى) 2 دەرەك انىقتالدى. قر اقبتك-ءنىڭ 200-بابى (قر زاڭناماسىنىڭ الكوگول ءونىمىن وتكىزۋ جونىندەگى تالاپتارىن بۇزۋ) بويىنشا 4 دەرەك, قر اقبتك-ءنىڭ 133-بابى (ون سەگىز جاسقا تولماعان ادامدارعا تەمەكىنى جانە تەمەكى بۇيىمدارىن ساتۋ جانە ولاردىڭ ساتۋى) بويىنشا 4 دەرەك, قر اقبتك-ءنىڭ 132-بابى (كامەلەتكە تولماعانداردىڭ تۇنگى ۋاقىتتا ويىن-ساۋىق مەكەمەلەرىندە بولۋىنا جول بەرۋ) بويىنشا 8 دەرەك انىقتالدى. ەرجان بايتىلەس. دەرەك, سۋرەت: egemen.kz