جادى مىقتى ءجاسوسپىرىم قىز

قابىلەت-قارىمىمەن كۇللى الەمدى تاڭعالدىرىپ وتىر

قىتايدا تۇراتىن يان تسزياشو ەسىمدى ون جاسار قىز جادىنىڭ كە­رەمەتتىگى ارقىلى بۇكىل عالامدى تاڭ­عالدىرۋدا. ول جاقىندا وسى سيپاتتا وتكەن الەم چەمپيوناتىندا الدىنا جان سالمادى. ەرەكشە قابىلەتتەرى بار تۇلعالار­دىڭ ادام ميىنىڭ مۇمكىندىگىن سى­ناققا سالاتىن وزگەشە كونكۋرس اس­پاناستى ەلى شاندۋن پروۆيتسيا­سىنىڭ تسزينان قالاسىندا وتكەن. وسىمەن 24-ءشى رەت مارەگە جەتكەن بۇل ءبى­رىنشىلىككە جاستارى 13-تەن 60-قا دەيىنگى بىرنەشە ونداعان ادام قا­تىسقان. تابيعات بەرگەن عالامات سىي – ەستە ساقتاۋ قابىلەتى وتە كۇشتى ادامدار وزدەرىنىڭ ورەلەرىن ءارتۇرلى جاتتىعۋلار ارقىلى كورسەتىپ باققان. ناتيجەسىندە مەكتەپ وقۋشىسى يان تسزياشو بارىنەن مىقتى ەكەنىن ايقىن تانىتىپ بەرگەن. ول 246 قوراپ ويىن كارتاسى مەن 1080 تسيفردىڭ ورنالاسۋ رەتتىلىگىن سول قالپىندا جادىندا ساقتاپ قالعان. وسى ارقىلى قىتايلىق قىز ءوزىنىڭ جاي ادام ءۇشىن ءتىپتى دە مۇمكىن ەمەس سياقتى كورىنەتىن قابىلەتتىڭ يەسى ەكەنىنە قازىلار كوز­دەرىن جەتكىزگەن. كونكۋرسقا قاتى­سۋشىلاردىڭ اراسىنداعى ەڭ كىشىسى, ءتىپتى شەكتەۋلى تومەنگى جاس مولشەرىنە دە جەتە قويماعان ءبۇلدىرشىن وتە قىسقا ۋاقىتتا وسىنشاما تسيفرلار مەن قاعازداردى تەز ءارى مۇلتىكسىز ەسىندە ساقتاپ قالا الاتىندىعىمەن الەم رەكوردىنا وزگەرىس ەنگىزىپ ۇلگەرگەن. جۋرناليستەر حالىقارالىق دارە­جەدەگى شەبەر دەگەن اتاعى بار كەرەمەت جادتىڭ يەسى سانالاتىن ادامداردىڭ وزدەرى وسىنشاما قىسقا مەرزىم ىشىندە ء(ۇش مينۋتقا جۋىق) ادەتتە تەك ءبىر كولودا ويىن كارتاسىنىڭ جاتىسى سيپاتىن عانا ەسكە ساقتاپ قالا الاتىنىن ايتىپ وتىر. ال يان ەسىمدى قىزدىڭ مىنا كورسەتكىشى ەرىكسىز قايران قالدىرادى. مۇنداي بالالار قازىر كوپ رەتتە ينديگو جەتكىنشەكتەر مەن التىنشى ءناسىلدىڭ وكىلدەرىنە جاتقىزىلادى. ولاردىڭ ءتىپتى اسپان الەمى – ۇلى كەڭىستىكپەن تىكەلەي بايلانىسى بار ەكەندەرى جونىندە دە ايتىلىپ قالادى. قالاي دەسەك تە, بۇرىنعى پايعامبارلاردىڭ ءجون سىلتەپ كەتكەنىندەي, ءبىزدىڭ اقىل-ەستەرىنىڭ اۋقىمى جاعىنان شەكتەۋلى, ەڭ باستىسى, رۋحاني جاعىنان تومەندەۋ وركەنيەتىمىز ورنىنا جاڭا تەگەۋرىندى تولقىننىڭ بىرتىندەپ كەلە باستايتىنى شىندىق بولسا كەرەك. رۋسلان يگىلىك.