استانا. 19 قاڭتار. فرانتسيا پرەزيدەنتى فرانسۋا وللاند قازىر «فرانتسيا ەكونوميكاسى توتەنشە جاعدايدا» تۇرعانىن مالىمدەدى. بۇل تۋرالى تاسس دەرەگىنە سىلتەمە جاساعان egemen.kz حابارلادى.
وللاندتىڭ ايتۋىنشا, جۇمىسسىزدىقتىڭ جوعارى دەڭگەيىمەن كۇرەسۋ ءۇشىن 2 ملرد. ەۋرو قارجى جۇمسالاتىن بولادى.
ەندى ەكونوميكالىق پروبلەمالاردى شەشۋ ءۇشىن جاڭا شارالار كەرەك. «الايدا, مەملەكەت باسشىسى بۇلاردىڭ سالىقتى كوبەيتۋ ەسەبىنەن شەشىلمەيتىنىنە ۋادە بەردى», - دەپ حابارلادى France24.
فرانتسيانىڭ باستى پروبلەمالارىنىڭ ءبىرى جۇمىسسىزدىق دەڭگەيىنىڭ جوعارىلىعى بولىپ وتىر. مۇنى فرانتسۋز پرەزيدەنتى «تۇرعىندار ءۇشىن قاۋىپسىزدىكتەن دە جوعارى تۇرعان جالعىز ماسەلە» رەتىندە اتاپ ءوتتى. جۇمىسسىزدىقپەن كۇرەسۋ ۇشىن ەل بيلىگى 2 ملرد. ەۋرو سوماسىندا قارجى جۇمساۋدى جوسپارلاپ وتىر.
قازىر فرانتسياداعى جۇمىسسىزدىق 10 پايىز (3,6 ملن. ادام) شاماسىن قۇرايدى.
وللاند رەفورما قارقىنىنىڭ جەدەلدەتىلەتىنىن باياندادى. ادامدارعا جۇمىس ورىندارىن قايتارىپ بەرۋدىڭ ەندىگى باستى كىلتى يننوۆاتسيا بولماق.
رۋسلان يگىلىك.
دەرەك, فوتو: تاسس.