قىزىلوردا. 18 قاڭتار. تاراز قالاسىندا 14-17 قاڭتار ارالىعىندا ەرەسەكتەر اراسىندا كۇرەس تۇرلەرىنەن قازاقستان رەسپۋبليكاسىنىڭ چەمپيوناتى ءوتتى. سول سىنعا قاتىسقان قىزىلوردالىق پالۋاندار جۇلدەلى ورالدى. بۇل تۋرالى egemen.kz ءتىلشىسى حابارلادى.
ءدۇبىرلى باسەكەدە قىزىلوردا وبلىسىنىڭ جوعارى سپورت شەبەرلىگى مەكتەبىنىڭ سپورتشىلارى جۇلدە الدى. اتاپ ايتساق, ەركىن كۇرەستەن 74 كيلو سالماقتا ونەر كورسەتكەن عالىمجان وسەرباەۆ قازاقستان چەمپيونى اتانسا, 57 كيلودا مارعۇلان ءجۇسىپوۆ قولا جۇلدەگە قول جەتكىزدى.
گرەك-ريم كۇرەسىنەن 130 كيلو سالماقتا باق سىناعان ەسەنگەلدى جالعاسباەۆ 2-ورىندى جەڭىپ الدى. ال ايەلدەر كۇرەسىنەن وبلىستىق وليمپيادالىق رەزەرۆ دايارلاۋ ورتالىعىندا ءتالىم الاتىن ءازيزا تۇرماعانبەت 75 كيلودا 3-ورىنعا تابان تىرەدى.
وبلىس نامىسىن قورعاعان سپورتشىلاردى سپورتقا باۋلۋدا قازاقستان رەسپۋبليكاسىنىڭ ەڭبەك سىڭىرگەن جاتتىقتىرۋشىلارى ءابۋتالىپ امانوۆ پەن ۆيكتور يۋن جانە جاتتىقتىرۋشى ەلامان مۇراتوۆ دايىندادى.
ەرجان بايتىلەس.
دەرەك: egemen.kz.
سۋرەت: kaztrk.kz.