الماتى. 18 قاڭتار. الماتىدا العاش رەت 2007 جىلى قالادان وڭتۇستىك باعىتقا جۇرەتىن اۆتوبۋستار مەن جولاۋشىلار ءۇشىن پايدالانۋعا بەرىلگەن اۆتوبەكەت بەلگىلى سەبەپتەرمەن ساۋدا ورتالىعىنا اينالىپ كەتكەن. وتكەن جىلدىڭ اياعىنا جاقىن قۇجاتىن قايتا راسىمدەگەن «ۇشقوڭىر» اۆتوبەكەتى قايتادان ىسكە كىرىستى. بۇل تۋرالى egemen.kz ءتىلشىسى حابارلادى.
الماتى قالاسىن دامىتۋدىڭ 2020 جىلعا دەيىنگى باعدارلاماسىنا سايكەس ۇلكەن قالانىڭ اينالاسىنا قازىرگى زامانعا ساي ءۇش اۆتوبەكەت سالىنۋى ءتيىس ەدى. قالا جانە وبلىس اكىمدىگىنىڭ شەشىمىمەن «ۇشقوڭىر» اۆتوبەكەتى وڭتۇستىك باعىتتاعى باراتىن جانە سول جاقتان كەلەتىن اۆتوبۋستار مەن جولاۋشىلاردى قابىلدايتىن ءبىر اۆتوبەكەتتىڭ مىندەتىن اتقارۋدى موينىنا الدى. «ۇشقوڭىردىڭ» بولاشاقتا سولتۇستىك باعىت اۆتوبۋستارى مەن جولاۋشىلارعا قىزمەت كورسەتۋى تۋرالى ماسەلە قارالۋدا.
كۇتۋ زالى 2101 ادامعا ارنالعان اۆتوبەكەت ءبىر مەزگىلدە 200 اۆتوبۋسقا قىزمەت كورسەتە الادى. قازىرگى تاڭدا قىزىلوردا, تۇركىستان, شىمكەنت, تاراز قالالارىنان كەلگەن اۆتوبۋستار جاڭا اۆتوبەكەتكە تۇراقتى تۇردە ورنىعىپ جاتىر. جولاۋشىلارعا ءتورت باعىت بايىنشا – «سايران» اۆتوبەكەتى, ەكى تەمىرجول ۆوكزالى مەن الماتى ءاۋجايىنا قاسكەلەڭ اۆتوبۋس پاركىنىڭ 50 «گازەل» ميكرواۆتوبۋسى مەن 40 ورىندىق جايلى ءۇش اۆتوبۋس قىزمەت كورسەتەدى. سونداي-اق بۇلاردىڭ قاتارىنا الماتىلىق №303 جولاۋشىلار اۆتوبۋسى قوسىلدى.
جولاۋشىلارعا قىزمەت كورسەتەتىن اسحانالار مەن قوناقۇيلەردىڭ ەسىگى ايقارا اشىلدى.
تالعات ءسۇيىنباي.
دەرەك, سۋرەت: egemen.kz.