قاراعاندى. 18 قاڭتار. قاراعاندى قالاسىندا توبەلەسىپ جاتقانداردى تارتىپكە شاقىرعان پوليتسيا قىزمەتكەرى تاياققا جىعىلدى. بۇل تۋرالى وبلىستىق ىشكى ىستەر دەپارتامەنتى ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
وقيعا وبلىس ورتالىعىنداعى «گرانات» كاراوكە-بارىندا ورىن العان. توبەلەسكەن ەكى جىگىتتى جونگە سالۋ ءۇشىن شاقىرۋ بويىنشا جەتكەن پوليتسيا قىزمەتكەرلەرىنە 23 جاستاعى بۇزاقى قاتتى قارسىلىق كورسەتكەن. اتاپ ايتقاندا, ول قاراعاندى قالالىق ىشكى ىستەر باسقارماسى جول-پاترۋلدىك پوليتسياسى پولكىنىڭ سەرجانتىنا قول جۇمساپ, دەنە جاراقاتىن سالعان.
قازىرگى ۋاقىتتا وسى وقياعا بويىنشا سوتقا دەيىنگى تەرگەۋ امالدارى جۇرگىزىلۋدە.
كۇدىكتىنىڭ ءسپيرتتى ىشىمدىك ىشكەن-ىشپەگەنى تەكسەرىلگەننەن كەيىن, ول ەشقايدا كەتپەۋ تۋرالى قولحاتپەن ۇيىنە بوساتىلدى.
قايرات ءابىلدينوۆ.
دەرەك, سۋرەت: egemen.kz.