تاراز. 18 قاڭتار. جامبىل وبلىسىندا جول بويىنا تاستالعان ءسابيدىڭ اكەسى دەلىنگەن ەر ادام ۇستالدى. «بۇگىن قۇقىق قورعاۋ ورگاندارىنىڭ قىزمەتكەرلەرى قازا تاپقان ءسابيدىڭ اكەسى دەلىنگەن ەر ادامدى ۇستادى. بۇل تۋرالى الدىن الا مالىمەت بويىنشا 1997 جىلعى ەر ادام تالاس اۋداندىق ءۇشارال اۋىلىنىڭ تۇرعىنى دەپ حابارلادى تالاس اۋداندىق ءىىب باسشىسى ازامات ايحىنبەكوۆ.
وقيعا 13 قاڭتاردا تاڭعى ۋاقىتتا بولعان. ايەل ءوزىنىڭ جۇكتى قىزىن الىپ, كورشىسىنىڭ كولىگىمەن تارازعا جولعا شىعىپتى. جولدا قىز تولعاتىپ, ۇل بالانى تۋىپ العان. وسىدان كەيىن اقكول اۋىلىنا كىرەبەرىستە وقۋشىنىڭ شەشەسى جاڭا تۋعان ءسابيدى لاقتىرىپ جىبەرگەن. العان جاراقاتىنان ءسابي وقيعا ورنىندا شەتىنەپ كەتتى. كولىك جۇرگىزۋشىسى ەسەڭگىرەپ, بۇل قىلمىسقا قاتىسىنىڭ جوقتىعىن ايتىپ وتىر.
ورالحان ءداۋىت.
دەرەك: egemen.kz
سۋرەت: vk.com