كوكشەتاۋ. 18 قاڭتار. اقكول اۋدانىندا مايلى جانە ءداندى داقىلداردى كەپتىرىپ, تازارتاتىن جانە ساقتايتىن جاڭا زاماناۋي كەشەن سالتاناتتى جاعدايدا اشىلدى. بۇل تۋرالى egemen.kz ءتىلشىسى حابارلادى.
«پەگاس» جشس كەشەنىنىڭ قۇرىلىسى ەكى كەزەڭ بويىنشا جۇزەگە اسىرىلۋدا. جاڭا كاسىپورىننىڭ قۋاتى – 30 مىڭ توننا. جالپى نىسان ارقايسىسى 3 000 توننانى قۇرايتىن 10 شۇڭقىر قۇتىدان تۇراتىن بولادى. وتكەن جىلدىڭ قازان ايىندا جوبانىڭ ءبىرىنشى كەزەڭى جۇزەگە اسىرىلىپ, 5 شۇڭقىر قۇتى ورناتىلعان, بۇگىندە بۇلار تولىق جۇمىسقا قوسىلدى.
ال, جوبانىڭ ەكىنشى كەزەڭىن 2016 جىلدىڭ قازان ايىندا ىسكە قوسۋ جوسپارلانعان. اۆتوماتتاندىرىلعان جاڭا كەشەن جەلىلەرى رەسەي جانە تۇركيا ەلدەرىنەن جىتكىزىلدى. كاسىپورىندا 12 ادام جۇمىس ىستەيدى, ولاردىڭ ورتاشا ايلىق جالاقىسى 100 مىڭ تەڭگەدەن اسادى. قۇنى 500 ميلليون تەڭگەنى قۇرايتىن بۇل زاماناۋي نىسان كومپانيانىڭ جەكە قاراجاتىنا سالىنعان.
مەملەكەت باسشىسى ايماقتاردىڭ الەۋەتىن ارتتىرۋ ءۇشىن اۋىل شارۋاشىلىعى ءوندىرىسىن ءارتاراپتاندىرۋ قاجەتتىگىن العا تارتقانى بەلگىلى. اقمولا وبلىسىندا وسى تاپىرمانى ورىنداۋ ماقساتىندا بىلتىر 245,2 مىڭ گەكتار مايلى داقىلدار, 193,9 مىڭ گەكتارعا جەمشوپتىك, 18,37 مىڭ گەكتارعا كارتوپ جانە 4,4 مىڭ گەكتارعا كوكونىس داقىلدارى ەگىلگەن.
سالتاناتقا قاتىسقان ءوڭىر باسشىسى سەرگەي كۋلاگين كاسىپورىن ۇجىمىنا ساتتىلىك تىلەدى.
ەسكە سالا كەتەيىك, اۋىل شارۋاشىلىعى داقىلدارىن ساقتاۋ جانە كەپتىرۋدى قامتاماسىز ەتۋ ءۇشىن 2015 جىلى وڭىردە 14 جاڭا كەشەن پايدالانۋعا بەرىلسە, 2016 جىلى تاعى دا وسىنداي 8 جاڭا نىسان ىسكە قوسىلادى دەپ كۇتىلۋدە.
باقبەرگەن امالبەك.
دەرەك, سۋرەت: egemen.kz