استانا. 18 قاڭتار. شوتلانديانىڭ حايلەندس تاۋلى ايماعىندا ستوب كويرە نام بەيت (1107 مەتر) شىڭىنا ورمەلەۋگە اتتانعان ەكى الپينيست قازا تاپتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
«شوتلانديانىڭ پوليتسيا باسقارماسىنا ستوب كويرە شىڭىنا ورمەلەۋگە كەتكەن ەكى ءالپينيستىڭ ومىرىنە الاڭداۋشىلىق بىلدىرگەندەردەن حابار كەلىپ ءتۇستى. بۇل جەرگىلىكتى ۋاقىت بويىنشا, ساعات 16:25-ءتىڭ كەزى بولاتىن. پوليتسيا قىزمەتكەرلەرى, جاعالاۋداعى كۇزەت وكىلدەرى جانە گلەنكو ەلدى-مەكەنىنىڭ تاۋداعى قۇتقارۋ جاساعى وقيعا ورنىنا جۇمىلدىرىلدى. وكىنىشكە وراي, قوس ءالپينيستىڭ دەنەلەرى جانسىز كۇيدە تابىلعانى جونىندەگى اقپاراتتى راستايمىز», – دەيدى شوتلانديانىڭ پوليتسيا قىزمەتكەرى.
تاۋداعى قۇتقارۋ جاساعىنىڭ جەتەكشىسى ەندي نەلسوننىڭ ايتۋىنشا, اسقارپازدار وزدەرىمەن بىرگە كەرەك-جاراقتىڭ ءبارىن الىپ شىققان. ءبىر-بىرىمەن جىپكە بايلانعان كۇيدە شىڭعا ورمەلەگەن. بىراق تاۋ باۋرايىنا كەلگەن ساتتە ءۇزىلىپ كەتىپتى.
ايان ءابدۋالي.
دەرەك: تاسس.
سۋرەت: fishki.net.