استانا. 16 قاڭتار. بەلگىلى گولليۆۋد اكتەرى لەوناردو دي كاپريو نەمىستىڭ Welt am Sonntag باسىلىمىنا بەرگەن سۇحباتىندا رەسەي پرەزيدەنتى ۆلاديمير ءپۋتيننىڭ ءرولىن سومداعىسى كەلەتىنىن ايتتى. بۇل تۋرالى ريا «نوۆوستي» اگەنتتىگىنە سىلتەمە جاساعان egemen.kz ءتىلشىسى حابارلادى.
«ءپۋتيننىڭ ءرولى وتە ءساتتى بولادى دەپ ويلايمىن. مەن رەسەي فەدەراتسياسى پرەزيدەنتىن ويناۋعا قۋانا كەلىسەر ەدىم», – دەيدى اكتەر.
سونداي-اق, دي كاپريو بىرنەشە جىل بۇرىن سانكت-پەتەربۋرگتە ءسىبىر جولبارىستارىن قۇتقارۋ جونىندەگى فورۋمدا ۆلاديمير پۋتينمەن كەزدەسكەنىن ەسكە الدى.
«مەنىڭ قورىم اتالعان جابايى مىسىقتاردى قورعاۋ جونىندەگى بىرنەشە جوبالارعا قارجىلاي قولداۋ كورسەتتى. كەزدەسۋدە پۋتين ەكەۋمىز تەك وسى عاجايىپ اڭ تۋرالى ايتىپ, اڭگىمەمىزگە ەشقانداي ساياساتتى قوسقان جوقپىز», – دەگەن كينو جۇلدىزى رەسەي تاريحىنا قايران قالاتىنىن جەتكىزدى.
«مەنىڭشە, لەنيننىڭ وبرازى دا فيلمگە سۇرانىپ تۇر. ودان بولەك ءراسپۋتيننىڭ ءرولىن دە ويناعىم كەلەدى. مەن ورىس تاريحى تۋرالى فيلمدەر كوپ بولۋى كەرەك دەپ سانايمىن», – دەيدى داڭقتى اكتەر.
ەلامان قوڭىر.
دەرەك, سۋرەت: ريا «نوۆوستي».