«قازاقستان ماشينا جاساۋشىلار وداعى» زاڭدى تۇلعالار بىرلەستىگىنىڭ (زتب) قازاقستان رەسپۋبليكاسى پارلامەنتىنىڭ ءماجىلىسى مەن بارلىق دەڭگەيدەگى ءماسليحاتتار دەپۋتاتتارىنىڭ سايلاۋلارىن مەرزىمىنەن بۇرىن وتكىزۋ جونىندەگى باستامانى قولداۋ تۋرالى
مالىمدەمەسى
ءبىز, «قازاقستان ماشينا جاساۋشىلار وداعى» زتب مۇشەلەرى, قازاقستان رەسپۋبليكاسى پارلامەنتىنىڭ ءماجىلىسى مەن بارلىق دەڭگەيدەگى ءماسليحاتتار دەپۋتاتتارىنىڭ مەرزىمىنەن بۇرىن سايلاۋلارىن وتكىزۋ جونىندەگى باستامانى قولدايمىز. قاتارىمىزعا ەلىمىزدەگى ءىرى وندىرىستىك كاسىپورىنداردى جانە ماڭىزدى ەڭبەك رەسۋرستارىن بىرىكتىرە وتىرىپ, ءبىز بەس ينستيتۋتتىق رەفورمانى جۇزەگە اسىرۋ جونىندەگى «100 ناقتى قادام» ۇلت جوسپارىندا قاراستىرىلعان كەشەندى شارالارعا تولىق قولداۋ بىلدىرەمىز. پارلامەنت ءماجىلىسىنىڭ V شاقىرىلىمى داعدارىسقا قارسى باعدارلامانى ەنگىزۋ ءۇشىن زاڭ شىعارۋشى بازانى قالىپتاستىرۋ جانە قوعام ءومىرىن اۋقىمدى رەفورمالاۋدى جۇرگىزۋ ارقىلى ءوزىنىڭ باستى مىندەتىن ورىندادى دەپ سانايمىز. مەرزىمىنەن بۇرىن سايلاۋ – ەلىمىزدەگى ساياسي پارتيالار ءۇشىن رەفورمالاردى جۇزەگە اسىرۋدىڭ العاشقى ساتىسىندا-اق حالىقتىڭ سەنىمىنە يە بولۋعا جانە داعدارىسقا قارسى شارالاردى ەنگىزۋ جونىندە وزدەرىنىڭ ءتيىمدى تاسىلدەرىن ۇسىنۋعا تاپتىرماس مۇمكىندىك. سوندىقتان بارلىق ازاماتتاردى پارلامەنت ءماجىلىسىنىڭ مەرزىمىنەن بۇرىن سايلاۋىن وتكىزۋ جونىندەگى دەپۋتاتتاردىڭ باستاماسىن قولداۋعا شاقىرامىز.