رەسپۋبليكالىق ەتنومادەني بىرلەستىكتەردىڭ قازاقستان رەسپۋبليكاسى پارلامەنتىنىڭ ءماجىلىسى مەن بارلىق دەڭگەيدەگى ءماسليحاتتار دەپۋتاتتارىنىڭ
سايلاۋلارىن مەرزىمىنەن بۇرىن وتكىزۋ جونىندەگى باستامانى قولداۋ تۋرالى
مالىمدەمەسى
ءبىز, رەسپۋبليكالىق ەتنومادەني بىرلەستىكتەردىڭ جەتەكشىلەرى, پارلامەنت ءماجىلىسى دەپۋتاتتارىنىڭ قازاقستان رەسپۋبليكاسى پارلامەنت ءماجىلىسى مەن بارلىق دەڭگەيدەگى ءماسليحاتتار دەپۋتاتتارىنىڭ مەرزىمىنەن بۇرىن سايلاۋلارىن وتكىزۋ جونىندەگى باستاماسىن قولدايتىنىمىزدى مالىمدەيمىز. دەر كەزىندە جاسالعان بۇل قادام داعدارىسقا قارسى اۋقىمدى شارالاردى, بەس ينستيتۋتتىق رەفورمانى جانە «100 ناقتى قادام: بارشاعا ارنالعان قازىرگى زامانعى مەملەكەت» ۇلت جوسپارىن ىسكە اسىرۋدا اسا قاجەت بولىپ تابىلادى. بۇل قايتا جاساۋلار تاريحي مىندەتتەر كەشەنىن شەشۋدە ماگيسترالدى جول ءتارىزدى ماڭىزدى ءرول اتقارادى. اشىق مەملەكەت قۇرۋ جانە زاڭنىڭ ۇستەمدىك قۇرۋى مەن ءتيىمدى ەكونوميكامەن قامتاماسىز ەتۋ زاڭ شىعارۋشىلىق جۇمىستاردىڭ جاڭا دەڭگەيدەگى ساپاسىن تالاپ ەتەدى. ءبىز ماجىلىستەگى قازاقستان حالقى اسسامبلەياسى دەپۋتاتتار توبىنىڭ شەشىمىن, جالپى, قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ مەرزىمىنەن بۇرىن سايلاۋ وتكىزۋ تۋرالى ۇسىنىستارىن قۇپتايمىز. بۇل سايلاۋدان زاڭ شىعارۋ جۇمىستارىن جاڭا ساپامەن قامتاماسىز ەتەتىن ءتيىمدى دەپۋتاتتار كورپۋسىنىڭ جاساقتالۋىن, ازاماتتىق قاتىسۋلاردىڭ كەڭەيۋىن جانە ساياسي كوزقاراستارىنا قاراماستان پارتيالاردىڭ حالىقتىڭ بىرلىگىن, ەلدەگى بەيبىتشىلىك پەن كەلىسىمدى نىعايتۋ جولىنداعى ديالوگتارىن كۇتەمىز. وسى رەتتە بارلىق ساياسي پارتيانى, قوعامدىق, ەتنومادەني بىرلەستىكتەردى بۇل ماڭىزدى ءارى باتىل قادامدى قولداۋعا جانە قازاقستان تاريحىنداعى ەڭ اشىق, سىندارلى سايلاۋ وتكىزۋگە شاقىرامىز. قازاقستان حالقىنىڭ سايلاۋعا جاپپاي قاتىسۋى, سايلاۋشىلاردىڭ بەلسەندىلىگى مەن جاۋاپكەرشىلىگى كەزەكتى رەت كوپكە ۇلگى بولاتىنىنا سەنەمىز. ءبىز – قازاقستان ازاماتتارىمىز, ءبىز – ءبىر حالىقپىز, ءبىزدىڭ ورتاق ماقساتىمىز – «ماڭگىلىك ەل»! قازاقستان كورەيلەرى قاۋىمداستىعى; تۇرىكمەن ەتنومادەني ورتالىعى; «ميتسەۆا» ەۆرەي مادەني ورتالىقتارى قاۋىمداستىعى; قازاقستان رەسپۋبليكاسىنىڭ ورىس قوعامداستىعى; قازاقستان رۋمىن-مولدوۆاندارى قاۋىمداستىعى; قازاقستان دۇنگەندەرى قوعامى; بولگار ەتنومادەني بىرلەستىگى; «ۆيدەرگەبۋرت» قازاقستان نەمىستەرى قوعامدىق بىرلەستىگىنىڭ رەسپۋبليكالىق قاۋىمداستىعى; ورىس, كازاك جانە سلاۆيان ۇيىمدارىنىڭ ۇيلەستىرۋ كەڭەسى; قازاقستانداعى «يدەل» تاتار جانە تاتار-باشقۇرت ەتنومادەني قوعامدىق جانە مادەني ورتالىقتارىنىڭ قاۋىمداستىعى; قازاقستان ارمياندارى قاۋىمداستىعى; قازاقستان رەسپۋبليكاسى تۇرىكتەرىنىڭ «احىسكا» قوعامى; قازاقستان رەسپۋبليكاسى وزبەكتەرىنىڭ «دۋستليك» ەتنومادەني بىرلەستىگىنىڭ قاۋىمداستىعى; قازاقستان رەسپۋبليكاسى كۇردتەرىنىڭ «باربانگ» قاۋىمداستىعى; «ۆايناح» چەشەن جانە ينگۋش حالىقتارىنىڭ مادەنيەتىن دامىتۋ ورتالىعى قاۋىمداستىعى; قازاقستان رەسپۋبليكاسى ۇيعىرلارىنىڭ مادەني ورتالىعى; ۆەنگر مادەني ورتالىعى; بەلورۋس ەتنومادەني بىرلەستىگى; قازاقستان ازەربايجان مادەني ورتالىقتارى وداعى; قازاقستان پولياكتارى وداعى; «سۋومي» ەتنومادەني بىرلەستىك; «اۆيتسەننا» تاجىك ەتنومادەني ورتالىعى; قازاقستانداعى ورىس, كازاك جانە سلاۆيان ۇيىمدارىنىڭ قاۋىمداستىعى; «قازاقستان ۋكرايندارىنىڭ راداسى»; «فيليا» قازاقستانداعى گرەك قوعامىنىڭ قاۋىمداستىعى; قاراشاي-بالقار ەتنومادەني بىرلەستىگى; ازەربايجاندار قاۋىمداستىعى; حالىقارالىق «قازاق ءتىلى» قوعامى.