«ساياساتتانۋشىلار كونگرەسى» رەسپۋبليكالىق قوعامدىق بىرلەستىگى (رقب) پارلامەنت ءماجىلىسى مەن بارلىق دەڭگەيدەگى ءماسليحاتتار دەپۋتاتتارىنىڭ
مەرزىمىنەن بۇرىن سايلاۋلارىن وتكىزۋ جونىندەگى باستامانى قولداۋ تۋرالى
مالىمدەمەسى
«ساياساتتانۋشىلار كونگرەسى» رقب دەپۋتاتتاردىڭ پارلامەنت ءماجىلىسى مەن بارلىق دەڭگەيدەگى ءماسليحاتتار دەپۋتاتتارىنىڭ مەرزىمىنەن بۇرىن سايلاۋلارىن وتكىزۋ جونىندەگى باستاماسىن تولىق قولدايدى. «100 ناقتى قادام» ۇلت جوسپارىن ىسكە اسىرۋ كۇن تارتىبىنە شىعارىلعان بۇگىنگى جاعدايدا دەپۋتاتتاردىڭ بۇل باستاماسى دەر كەزىندە كوتەرىلىپ وتىر. قازىرگى ءماجىلىس وزىنە جۇكتەلگەن تاريحي مىندەتتەردى ابىرويمەن ورىندادى. ناقتىلاي ايتقاندا, ءماجىلىس ۇلت جوسپارى اياسىندا 80 زاڭ جوباسىن قابىلدادى ءارى داعدارىسقا قارسى «جول كارتاسىن» ناقتىلادى. تۇسىنە بىلگەنگە, وسىناۋ جۇمىستاردىڭ بارلىعى دا قازاقستاندىقتار ءۇشىن اسا ماڭىزدى. قازىرگى تاڭدا داعدارىسقا قارسى شارالار قابىلداپ, قيىندىقتاردى ەڭسەرۋ ءۇشىن بەس ينستيتۋتتىق رەفورمانى ءتيىمدى جۇزەگە اسىرۋ قاجەت. وسى ورايدا مەرزىمىنەن بۇرىن سايلاۋ وتكىزىپ, پارلامەنت ءماجىلىسىن جاڭادان جاساقتاۋ تەرەڭ مانگە يە.