اقتوبە. 15 قاڭتار. تۇرعىنداردان تراۆماتيكالىق قارۋ-جاراق ساتىپ الۋ جونىندەگى رەسپۋبليكالىق اكتسيا اياسىندا وتكەن جىلى اقتوبە وبلىستىق ىشكى ىستەر دەپارتامەنتىنىڭ اۋماقتىق بولىنىستەرىنە 1096 بىرلىك قارۋ تاپسىرىلعان. بۇل تۋرالى egemen.kz ءتىلشىسى حابارلادى.
ونىڭ 347-ءسى – ۇڭعىسىز, 749-ى گازدى-تراۆماتيكالىق قارۋ. اكتسيا شەڭبەرىندە ساتىپ الىنعان قارۋلارعا 61 ملن. تەڭگە تولەندى. بۇل ماقساتقا رەسپۋبليكالىق بيۋدجەتتەن 48 ملن. تەڭگە ءبولىندى, ونىڭ 13,5 ملن. تەڭگەسى وزگە وڭىرلەردەن اۋدارىلىپتى. بولىنگەن قاراجات تولىعىمەن يگەرىلگەن. بۇگىنگى كۇنى كرەديتورلىق بەرەشەك سوماسى 13 ملن. تەڭگەنى قۇرايدى.
اتالعان دەپارتامەنت ءباسپاسوز قىزمەتىنىڭ حابارلاۋىنشا, قارۋ يەلەرىنىڭ سالعىرتتىعىنان ىشكى ىستەر مينيسترلىگىنىڭ «كريمينالدىق قارۋ» ەسەبىنە قويىلعان گازدى-تراۆماتيكالىق قارۋدىڭ 77-ءسى جوعالىپ, 10-ى ۇرلانعان.
ساتىبالدى ءساۋىرباي.
دەرەك: egemen.kz.
سۋرەت: timeskz.kz.