استانا. 15 قاڭتار. گەرمانيانىڭ بەلگىلى Audi اۆتوموبيل شىعارۋشى كومپانياسى ايعا ءوز اپپاراتىن ۇشىرماق. جوسپار بويىنشا Audi Lunar Quattro دەپ اتالاتىن قۇرىلعى ايدىڭ بەتىمەن كەم دەگەندە 500 مەتر ءجۇرىپ, جەرگە جوعارى ساپالى سۋرەتتەر مەن ۆيدەولار جىبەرىپ تۇرادى. بۇل تۋرالى vesti.ru سايتىنا سىلتەمە جاساعان egemen.kz ءتىلشىسى حابارلادى.
الايدا, بۇل جوبانى جۇزەگە اسىرۋ ءۇشىن بەرليننىڭ Part-Time Scientists تەحنيكالىق توبى جۇلدە قورى 30 ملن. اقش دوللارىن قۇرايتىن Google Lunar XPRIZE بايقاۋىندا جەڭىپ شىعۋى ءتيىس. ال بايقاۋدىڭ شارتى بويىنشا, ايعا اۆتوماتتاندىرىلعان اپپارات جىبەرۋگە مۇمكىندىگى بار كوماندا جەڭىسكە جەتەدى. سونداي-اق, بايقاۋعا قاتىسۋشى كوماندا جالپى شىعىننىڭ 90 پايىزىن ءوزى وتەي الاتىنىنا ۇيىمداستىرۋشىلاردى سەندىرۋى كەرەك. سوعان بايلانىستى Audi كومپانياسى Part-Time Scientists ينجەنەرلەر توبىنا قولداۋ كورسەتۋگە بەل بايلادى.
بۇل رەتتە كومپانيا توپ ينجەنەرلەرىنە مامانداردان كەڭەس الۋعا جانە ايدا جۇرەتىن Audi Lunar Quattro اپپاراتىن بەرۋگە كەلىسىم بەردى. اتالعان اپپارات بۇعان دەيىن Google Lunar XPRIZE باعدارلاماسى اياسىندا ەكى جۇلدە جەڭىپ الىپ, بارلىعى 750 مىڭ دوللار تابىس اكەلگەنىن اتاپ وتكەن ءجون.
ەگەر بارلىق باستاما ويداعىداي جۇزەگە اسسا Audi شىعارعان اپپارات 2017 جىلى ايعا ۇشىرىلماق.
ەلامان قوڭىر.
دەرەك: vesti.ru.
سۋرەت: mail.ru.