استانا. 12 قاڭتار. بۇگىن شۆەيتساريانىڭ تسيۋريح قالاسىندا وتكەن الەمنىڭ 2014-2015 جىلعى ماۋسىمداعى ۇزدىك كورسەتكىشتەرىن انىقتاۋعا ارنالعان داۋىس بەرى قورىتىندىسىندا يسپانيانىڭ «بارسەلوناسى» مەن ارگەنتينا قۇراماسىنىڭ شابۋىلشىسى ليونەل مەسسي «التىن دوپتىڭ» يەگەرى اتاندى. بۇل تۋرالى egemen.kz ءتىلشىسى حابارلادى.
وسى ارقىلى مەسسي بەسىنشى مارتە اتالمىش اتاقتىڭ يەگەرى بولدى. ول بۇعان دەيىن بۇل بيىكتەن 2009, 2010, 2011 جانە 2012 جىلدارى كورىنگەن ەدى.
مەسسي وزىمەن بىرگە ۇشتىككە تۇسكەن كلۋبتاسى نەيمار مەن «رەالدىڭ» شابۋىلشىسى كريشتيانۋ رونالدۋدان ءبىراز الدا بولدى. وعان قاتىسۋشىلاردىڭ 41,33 پايىزى داۋىس بەردى. ال رونالدۋدىڭ العان داۋسى – 27, 76 پايىز, نەيماردىكى 7,86 پايىزعا تەڭەستى.
ايەلدەر اراسىندا اقش قۇراماسىنىڭ ليدەرى كارلي للويد ۇزدىك اتاندى.
ليونەل مەسسي 2015 جىلى «بارسەلونا» ساپىندا يسپانيانىڭ چەمپيونى, چەمپيوندار ليگاسىنىڭ چەمپيونى, يسپانيا كۋبوگىنىڭ يەگەرى, ۋەفا سۋپەركۋبوگىنىڭ يەگەرى جانە الەمنىڭ كلۋبتىق چەمپيوناتىنىڭ جەڭىمپازى دەگەن اتاقتارعا قول جەتكىزدى. مەسسي سونداي-اق يسپانيا چەمپيوناتىنىڭ ەڭ ۇزدىك ويىنشىسى دا بولىپ وتىر. ال مەرگەندەر جارىسىندا 43 گولمەن ەكىنشى ورىن الدى.
تالعات رايىمبەك.
دەرەك, فوتو: euronews.