استانا. 11 قاڭتار. بۇگىن ۆتب بىرىڭعاي ليگاسىندا ەل نامىسىن قورعايتىن «استانا» باسكەتبول كومانداسى ءوز الاڭىندا رەسەيدىڭ «حيمكيىن» قابىلداپ, 74:108 ەسەبىمەن ەسە جىبەردى. بۇل تۋرالى egemen.kz ءتىلشىسى حابارلادى.
استانا قالاسىنداعى «سارىارقا» ۆەلوترەگىندە وتكەن كەزدەسۋدە قوناقتاردىڭ باسىمدىعى انىق بايقالدى. ناتيجەسىندە ءبىرىنشى كەزەڭدە «حيمكي» 27:16 ەسەبىمەن باسىم ءتۇستى. ويىننىڭ ەكىنشى بولىگى دە رەسەيلىكتەردىڭ پايداسىنا 23:17 ەسەبىمەن اياقتالدى. تەك ءۇشىنشى كەزەڭدە عانا رامۋناس بۋتاۋتاستان ءتالىم الاتىن «استانا» باسكەتبولشىلارى قارسىلاستارىن قاپى قالدىرىپ, 26:22 ەسەبىمەن جەڭىسكە جەتتى. وسىلايشا, ءۇش كەزەڭنەن كەيىنگى جالپى ەسەپتەگى ايىرماشىلىقتى 13 ۇپايعا دەيىن (72:59) قىسقارتا الدى.
الايدا, ءبىزدىڭ كوماندا بۇل قارقىنىن سوڭعى ون مينۋتتىقتا ساقتاپ قالا المادى. قايتا بۇل بولىكتە استانالىقتار بار بىلگەنىنەن جاڭىلىپ, قارسىلاستارىنا 15:36 ەسەبىمەن جول بەردى.
بۇگىندە «استانا» 14 تۋردىڭ قورىتىندىسى بويىنشا تۋرنير كەستەسىندە 14-ورىندا تۇر. ەلوردالىقتار كەلەسى كەزدەسۋىن 17 قاڭتار كۇنى ءوز الاڭىندا «نيجني نوۆگورودپەن» وتكىزەدى.
ەلامان قوڭىر.
دەرەك: egemen.kz.
سۋرەت: bcastana.kz.