استانا. 11 قاڭتار. بۇگىن كحدر اقش-تىڭ وڭتۇستىك كورەياعا ۆ-52 بومبارديروۆششيگىن كومەككە جىبەرۋىنە بايلانىستى بۇعان ءوزىنىڭ يادرولىق قارۋمەن جاۋاپ قايتاراتىنىن مالىمدەدى. بۇل تۋرالى ريا «نوۆوستي» دەرەگىنە سىلتەمە جاساعان egemen.kz ءتىلشىسى حابارلادى.
ماقالادا اقش-تىڭ بۇل جاقتى «سوعىسۋدىڭ سوڭعى شەگىنە» يتەرمەلەپ وتىرعانى ايتىلادى. باسىلىم وسىعان وراي ۆاشينگتوندى «اينالاعا شىنايى كوزبەن قاراۋعا» جانە كحدر-مەن «تاريحي تەكەتىرەستەن ساباق الۋعا» شاقىرادى. پحەنياننىڭ تۇجىرىمىنشا, بۇل ەكى ەلدىڭ اراسىنداعى بۇرىنعى قاقتىعىستاردا قۇراما شتاتتارعا جەڭىلۋگە تۋرا كەلگەن.
ءوز كەزەگىندە Reuters وڭتۇستىك كورەيا قورعانىس مينيسترلىگىنە سىلتەمە جاساي وتىرىپ, ۆاشينگتون مەن سەۋلدىڭ وڭتۇستىك كورەيا اۋماعىنا ستراتەگيالىق ماڭىزى بار قارۋلاردى ورنالاستىرۋ جونىندەگى ماسەلەنى تالقىلاماق ويلارى بار ەكەنىن جايىپ سالادى. «يونحاپ» اگەنتتىگىنىڭ دەرەگىنشە, امەريكانىڭ وڭتۇستىك كورەياداعى قارۋلى كۇشتەرىنىڭ قولباسشىسى كەتيس سكاپاروتتيدىڭ ءوز اسكەرلەرىنە كحدر تاراپىنان بولعان ارانداتۋ ارەكەتتەرىنە جوعارى دەڭگەيدە دايىن بولۋعا بۇيرىق بەرگەنىن جەتكىزەدى.
كەشە, 10 قاڭتار كۇنى امەريكانىڭ ستراتەگيالىق ۆ-52 بومبارديروۆششيگى كحدر-دىڭ سۋتەگى بومباسىن سىناقتان وتكىزگەنى تۋرالى مالىمدەمەسىنە جاۋاپ رەتىندە امەريكانىڭ ستراتەگيالىق ۆ-52 بومبارديروۆششيگى وڭتۇستىك كورەيانىڭ ۇستىنەن ۇشىپ وتكەنى بەلگىلى بولدى. سول كۇنى كحدر ليدەرى كيم چەن ىن سولتۇستىك كورەيانىڭ سۋتەگى بومباسىن اقش تاراپىنان بولۋى ىقتيمال يادرولىق شابۋىلدان قورعانۋ ماقساتىندا سىناقتان وتكىزىلگەنىن مالىمدەدى. سونىمەن بىرگە ول يادرولىق قارۋدى سىناقتان وتكىزۋ «ەگەمەن مەملەكەتتىڭ زاڭدى قۇقىعى» بولىپ تابىلاتىنىن اتاپ ءوتتى.
قازىرگى تاڭدا اقش اۋە-قورعانىس كۇشتەرىندە يادرولىق قارۋ تاسىمالدايتىن ۆ-52ن بومبارديروۆششيگىنىڭ 75-كە جۋىعى بار. ولار سونداي-اق ءارتۇرلى ءتيپتى يادرولىق ەمەس قارۋلاردى دا تاسىمالداي الادى. ۇشاقتىڭ ۇشۋ قاشىقتىعى 16 200 شاقىرىمعا تەڭ بولسا, جاۋىنگەرلىك راديۋسى 7 200 شاقىرىمدى قامتيدى.
تالعات رايىمبەك.
دەرەك, فوتو: ريا «نوۆوستي».