استانا. 11 قاڭتار. باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنە (قسجاەك) باقىلاۋ جانە قاداعالاۋ ورگاندارىنىڭ تەكسەرۋلەر كەستەسىن ورنالاستىرۋ جۇكتەلگەن. بۇل تۋرالى باس پروكۋراتۋرانىڭ ءباسپاسوز قىزمەتى حابارلادى.
قسجاەك-كە 2016 جىلدىڭ ءى جارتى جىلدىعىنا ارنالعان ەرەكشە ءتارتىپ بويىنشا تەكسەرۋلەر كەستەسىنە ورنالاستىرۋ ءۇشىن ءتورت مەملەكەتتىك ورگاننىڭ – ىشكى ىستەر مينيسترلىگى توتەنشە جاعدايلار كوميتەتىنىڭ, ۇلتتىق ەكونوميكا مينيسترلىگى تۇتىنۋشىلاردىڭ قۇقىقتارىن قورعاۋ كوميتەتىنىڭ, ينۆەستيتسيالار جانە دامۋ مينيسترلىگى يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ, قارۋلى كۇشتەردىڭ باس اسكەري-مەديتسينالىق باسقارماسىنىڭ تەكسەرۋلەر كەستەلەرى كەلىپ ءتۇستى.
كوميتەت زاڭ بۇزۋشىلىق بولىپ تابىلاتىن مەملەكەتتىك تىركەلگەن ساتىنەن 3 جىل مەرزىمى وتپەگەن شاعىن كاسىپكەرلىك سۋبەكتىلەرىن تەكسەرۋ كەستەلەرىنە قوسۋ فاكتىلەرىن انىقتاۋ ءۇشىن كەلىپ تۇسكەن كەستەلەرگە تالداۋ جۇرگىزدى. مونيتورينگ بارىسىندا تۇتىنۋشىلاردىڭ قۇقىقتارىن قورعاۋ ورگاندارىندا وسىنداي 77 فاكت, توتەنشە جاعدايلار جونىندەگى ورگانداردا 20 فاكت, سونىمەن قاتار, كەستەلەرگە دۇرىس ەمەس دەرەكتەردى ەنگىزۋگە بايلانىستى 200-دەن استام بۇزۋشىلىق انىقتالدى.
وسىعان بايلانىستى, ۋاكىلەتتى ورگانداردىڭ مەكەنجايىنا زاڭدىلىقتىڭ بۇزىلۋىن جويۋ تۋرالى ۇسىنىستار ەنگىزىلدى, زاڭسىز تەكسەرۋلەر كەستەلەردەن الىنىپ تاستالدى.
جۇرگىزىلگەن جۇمىستىڭ ناتيجەلەرى بويىنشا كەلىپ تۇسكەن بارلىق كەستەلەر باس پروكۋراتۋرانىڭ سايتىندا ورنالاستىرىلدى. قسجاەك زاڭسىز تەكسەرۋلەردىڭ الدىن الۋ, مەملەكەتتىك ورگانداردىڭ كاسىپكەرلىك قىزمەتكە زاڭسىز ارالاسۋىن بولدىرماۋ بويىنشا جۇمىستى جالعاستىرۋدا.
ەلامان قوڭىر.
دەرەك: باس پروكۋراتۋرانىڭ ءباسپاسوز قىزمەتى.
سۋرەت: egov.kz.