پەتروپاۆل. 11 قاڭتار. بىرنەشە جىلدان بەرى ەكولوگيالىق تازا ونىمدەر اينالىسۋمەن اينالىساتىن اندرەي سترەلەي اياق استىنان جازىقتى بولىپ, 3 ميلليون تەڭگە ايىپپۇل تولەي جازدادى. بۇل تۋرالى egemen.kz ءتىلشىسى حابارلادى.
جەكە كاسىپكەر ەسىل اۋدانىندا ەكولوگيالىق تازا كارتوپ وسىرەدى, بيوگۋمۋس وندىرەدى. بيىل ەكى شاعىن زاۋىت سالۋدى جوسپارلاپ وتىر.
«قىرسىققاندا قىمىران ءىريدى» دەگەن راس. جامبىل وبلىسىنىڭ شىعاناق ستانساسى ماڭىندا ونىڭ جۇك تيەلگەن كولىگىن كولىك ينسپەكتسياسى توقتاتىپ, ولشەۋ كەزىندە 2 توننا 680 كيلو سالماقتىڭ ارتىق شىققانىن «تابادى». دەرەۋ اكت تولتىرىلىپ, 3 ميلليون تەڭگە ايىپپۇل سالۋ ارقىلى جازالاۋدى ۇيعارادى.
الايدا, بۇل شەشىممەن كەلىسپەگەن اندرەي كاسىپكەرلەر پالاتاسىنا شاعىمدانادى.
«جەدەل توپ وقيعا بولعان جەرگە كەلىپ, ءمان-جايدى تالداۋ, سارالاۋ بارىسىندا بار-جوعى 200 كيلو جۇكتىڭ ارتتىق شىققانىن انىقتادى. كاسىپكەر جاۋاپكەرشىلىكتەن بوساتىلدى», دەيدى سقو كاسىپكەرلەر قۇقىعىن قورعاۋ پالاتاسىنىڭ ءبولىم باستىعى اسقار ماحمەتوۆ.
بىلتىر بۇل قۇرىلىمعا 4 مىڭ ادام ارىزدانىپ, 300 ميلليون تەڭگەنىڭ م ۇلىكتىك مۇددەسى قورعالعان.
ءومىر ەسقالي.
دەرەك, سۋرەت: egemen.kz