بەلگيادا «بايقوڭىر» ۆەلوكومانداسىنىڭ تانىستىرىلىمى ءوتتى

قىزىلوردا. 11 قاڭتار. بەلگيانىڭ لەج قالاسىندا UCI «بايقوڭىر» ۆەلوكومانداسىنىڭ تانىستىرىلىمى ءوتتى. بۇل تۋرالى egemen.kz ءتىلشىسى حابارلادى. ايتا كەتەيىك, بۇل ۇجىمنىڭ نەگىزىن قالاۋشى قازاقستاندىق ۆەلوسپورتشى اندرەي كاشەچكين. تانىستىرۋ راسىمىنە باسقا دا بەلگىلى قازاقستاندىق ۆەلوسپورتشىلار قاتىستى. كوماندانىڭ سپورتتىق ديرەكتورى جاك تۋنيسسەن جاڭا ماۋسىمدا «بايقوڭىر» كومانداسىنىڭ دا ونەر كورسەتەتىن مالىمدەدى. اندرەي كاشەچكين بۇل جوبانى بىرنەشە جىل ىشىندە جۇزەگە اسىرىپ وتىر. «ۆەلوكوماندا تەك قانا سپورت سالاسىنداعى جوبا ەمەس, ول سونداي-اق, قىزىلوردا وبلىسىندا جانە بايقوڭىر قالاسىندا تۋريزم سالاسىن دامىتۋ جوسپارىنىڭ ءبىر بولىگى بولىپ تابىلادى. ءبىزدىڭ ماقساتىمىز جەرلەستەرىمىز قازاقستاندى حالىقارالىق ارەنادا تانىتىپ, بايقوڭىردىڭ تانىمالدىلىعىن ارتتىرۋ», – دەيدى اندرەي كاشەچكين. ەستەرىڭىزگە سالا كەتەيىك, قىزىلوردا وبلىسىنىڭ اكىمى قازان ايىندا اندرەي كاشەچكينمەن كەزدەسىپ, جوبانى جۇزەگە اسىرۋ جانە «بايقوڭىر» برەندىن ناسيحاتتاۋ ماسەلەلەرىن تالقىلاعان بولاتىن. ەكىنشى جەلتوقسان كۇنى وبلىس اكىمدىگىندە جاڭا كوماندا تانىستىرىلىپ, ماشينا قۇرۋ زاۋىتىن سالۋ جانە قىزىلوردا وبلىسىندا تۋريزم سالاسىن دامىتۋ جونىندەگى مەموراندۋمدارعا قول قويىلدى. ەرجان بايتىلەس. دەرەك, سۋرەت: egemen.kz.