قىزىلوردا. 11 قاڭتار. قىزىلوردا قالاسىندا قاڭتار ايىنىڭ 9-نان 10-نا قاراعان ءتۇنى قىلمىستاردىڭ الدىن الۋ, بولدىرماۋ, كريمينوگەندىك احۋالدى ساۋىقتىرۋ, قوعامدىق تىنىشتىقتى جانە جول قوزعالىسى قاۋىپسىزدىگىن قامتاماسىز ەتۋ, مۇلدەم توزبەۋشىلىك قاعيداتى بويىنشا قۇقىق بۇزۋشىلىقتاردى انىقتاۋ ماقساتىندا جەرگىلىكتى پوليتسيا قىزمەتىنىڭ ۇيىمداستىرۋىمەن «تۇنگى قالا» جەدەل پروفيلاكتيكالىق ءىس-شاراسى وتكىزىلدى. بۇل تۋرالى egemen.kz ءتىلشىسى حابارلادى.
ءىس-شارا بارىسىندا بارلىعى 161 اكىمشىلىك قۇقىق بۇزۋشىلىق انىقتالدى. اتاپ ايتقاندا, مۇلدەم توزبەۋشىلىك قاعيداتى بويىنشا بارلىعى 72 قۇقىق بۇزۋشىلىق تىركەلسە, ونىڭ ىشىندە, بەلگىلەنبەگەن ورىنداردا ساۋدا جاساۋ دەرەگى بويىنشا – 4 (204-باپ), الكوگولدىك ىشىمدىكتەردى ءىشۋ نەمەسە قوعامدىق ورىندارعا ماساڭ كۇيدە كەلۋ دەرەگى بويىنشا – 24 (440-باپ), تىنىشتىقتى بۇزۋ دەرەگى بويىنشا – 16 (437-باپ), قوعامدىق ورىندا تەمەكى شەگۋ دەرەگى بويىنشا – 7 (441-باپ), كامەلەتكە تولماعانداردىڭ تۇنگى ۋاقىتتا ءجۇرۋ دەرەگى بويىنشا – 15 (442-باپ, 2-تارماق), ۇساق بۇزاقىلىق دەرەگى بويىنشا – 8 (434- باپ), اباتتاندىرۋ قاعيدالارىن بۇزۋ دەرەگى بويىنشا 8 (505-باپ) قۇقىق بۇزۋشىلىقتار انىقتالدى.
جول-پاترۋلدىك پوليتسيا روتاسىنىڭ قىزمەتكەرلەرىمەن جول قوزعالىسى قاۋىپسىزدىگىن بۇزۋدىڭ 89 دەرەگى انىقتالدى. ونىڭ ىشىندە, كولىك قۇرالىن قۇجاتسىز باسقارۋدىڭ – 16 (612-باپ) دەرەگى, كولىك قۇرالىنىڭ تەرەزەلەرىن قاراڭعىلاتۋدىڭ – 3 (590-باپ, 5-تارماق), قاۋىپسىزدىك بەلدىگىن تاقپاي باسقارۋدىڭ –16 (593-باپ, 1-تارماق), مانەۆر جاساۋ قاعيدالارىن بۇزۋدىڭ – 5 (595-باپ, 1-تارماق), بەلگىلەنگەن ءجۇرۋ جىلدامدىعىن شەكتەن تىس اسىرۋدىڭ – 1 (592-باپ, 1-تارماق), كولىك قۇرالىن ىشىمدىك ءىشىپ باسقارۋدىڭ 1 (608-باپ) دەرەگى تىركەلدى.
سونىمەن قاتار, شارا بارىسىندا ايىپ الاڭىنا بارلىعى 30 اۆتوكولىك جەتكىزىلدى. ونىڭ ىشىندە قۇجاتسىز باسقارعانى ءۇشىن – 19, مەملەكەتتىك بەلگىسى جوق كولىكتى باسقارعانى ءۇشىن – 1, كولىك قۇرالىن ىشىمدىك ءىشىپ باسقارعانى ءۇشىن – 1, جول-كولىك وقيعاسىن جاساعانى ءۇشىن – 2, سوت قاۋلىسىمەن 7 اۆتوكولىك قويىلدى.
اتالعان ءىس-شارا الداعى ۋاقىتتا ءار اپتانىڭ سەنبى كۇنى وتكىزىلەتىن بولادى.
ەرجان بايتىلەس.
دەرەك: egemen.kz.
سۋرەت: mvd.gov.kz.