ەلباسى «ەگەمەندە» جاريالانعان «ۇلت جوسپارى – قازاقستاندىق ارمانعا باستايتىن جول» ماقالاسىندا ەلىمىزدى الداعى جىلدارى ۇلكەن مىندەتتەر كۇتىپ تۇرعانىن ايتىپتى. ارينە, ەكونوميكانىڭ تۇراقتىلىعى, وركەندەۋ جولدارى, جاڭا وزگەرىستەر اۋىل-قالاداعى الەۋمەتتىك ماسەلەلەردىڭ دە جۇزەگە اسۋىنا بايلانىستى. ءوزىم قىزمەت جاسايتىن بايقونىس اۋىلدىق اۋماعىندا قىزىلتاڭ, تىلەۋباي اۋىلدارىندا 1,5 مىڭداي حالىق تۇرادى. ارامىزدا قازاقپەن باياعىدان ارالاسىپ-قۇرالاسقان ءارتۇرلى ۇلت وكىلدەرى بار. تىرشىلىك جاقسارۋى, ەل ىشىندە بىرلىكتىڭ بولۋى سياقتى ەلباسى ۇنەمى ايتىپ كەلە جاتقان جايتتاردىڭ وسى ماقالادا دا تاعى قايتالانۋى تەگىن ەمەس. قازىر اينالامىز مازاسىز. سوندىقتان بىرلىك كەرەك ەكەنى ءسوزسىز. ەلىمىزدىڭ الداعى بولاشاعىنا باعدار سالعان بارلىق مەملەكەتتىك تۇجىرىمدامالار مەن ۇستانىمدار «قازاقستان-2050» ستراتەگيالىق جوسپارىندا بار. ەلباسىنىڭ ۇسىنىسىمەن قابىلدانعان «نۇرلى جول» باعدارلاماسى, «100 ناقتى قادام» ۇلت جوسپارى وسى ماڭىزدى ستراتەگيانى جۇزەگە اسىرۋعا باعىتتالعانىن ءبارىمىز دە بىلەمىز. وسى جولعى ماقالا دا بارىمىزگە جىگەرلەنىڭدەر, العا ۇمتىلايىق, زامانعا ىلەسە قيمىلداپ قىزمەت جاسايىق دەگەندى ايتادى.
«ءار ۇرپاقتىڭ ءوز ارمانى بار, ولاردا تەك جەكە جانە وتباسىلىق يگىلىكتەرگە عانا ۇمتىلىس كورىنىس تاپپايدى. ولاردا قاشاندا تۋعان جەرگە دەگەن سۇيىسپەنشىلىك سەزىمى, ءوز حالقى مەن وتانىنىڭ باقىتى تۋرالى اڭسار ايقىن كورىنەدى», دەپ جازادى ەلباسى. ءبارىمىز دە ەلىمىز, تۋعان جەرىمىز, اۋىلىمىزدى سۇيەمىز. اۋدان اكىمدىگى باستاپ, بىزدەر قوستاپ جوعارىدان تاپسىرىلعان ۇلكەن اۋقىمدى مىندەتتەرگە ىلەسۋ ءۇشىن ەڭبەك ەتۋدەمىز. كىرەبەرىس جول اۋىلدىڭ ىشىنە دەيىن بارىپ, جاڭارىپ, اسفالت توسەلگەنى, اۋىلداعى ءاربىر ۇيگە سۋدىڭ كەلىپ تۇرۋى ەلىمىزدە قابىلدانعان «اقبۇلاق» باعدارلاماسىنىڭ جۇزەگە اسۋىنىڭ ءبىر كورىنىسى. اۋىلدار قازىر قىسقا دايىن, وتىن-سۋ, كومىر, باۋ-باقشا, كۇزگى جيىن-تەرىن ءبارى دە بار. داستارقان تولى. ءبىزدىڭ دە كۇندەلىكتى جۇمىسىمىز – اۋىلداعى حالىقتىڭ تۇرمىس-تىرشىلىگىنە باس-كوز بولىپ, قىزمەت جاساۋ. سوڭعى جىلدارى اۋىل شارۋاشىلىعىن دامىتۋ باعىتىندا مەملەكەتتىك «سىباعا», «التىن اسىق», «قۇلان» باعدارلامالارى قابىلداندى.
«ءبىز ءوز جەرىمىز بەن ونىڭ بايلىعىنىڭ ۇقىپتى يەسى بولۋعا ۇيرەنۋدەمىز, جاڭا تەحنولوگيالاردى مەڭگەرىپ, تاريحىمىزدا ەشقاشان بولىپ كورمەگەن وندىرىستىك قۋاتتار مەن ەكونوميكانىڭ تۇتاس سالالارىن ىسكە قوسۋدامىز.
جانە ەڭ باستىسى, ءبىز جاڭاشا ارمانداۋدى, تاۋەلسىز قازاقستانىمىز ءبىر بولشەگى بولىپ وتىرعان الەمدەگى قيىندىقتارعا قاراماستان, ەل مەن قوعامدى دامىتۋدا ناقتى مىندەتتەر قويۋدى جانە ولاردى شەشۋدى ۇيرەندىك...», دەپ جازدى ەلباسى. ءيا, راس ءبىز كوپ نارسەگە ۇيرەندىك. ءالى دە ۇيرەنەرىمىز جەتەدى. وركەنيەتكە جەتۋ دەگەنىمىز – وزگەلەردەن ۇيرەنىپ, الەمدىك وزگەرىستەرگە ىلەسۋ,تالپىنۋ, جاڭاشا ارمانداپ ءومىر ءسۇرۋ.
ەلباسى ماقالاسىنداعى «جەرىمىزدىڭ ۇقىپتى يەسى» دەگەن ءسوز قانداي جاقسى ايتىلعان. كوبىمىز وسىنى تۇسىنبەي, بىلمەي ءجۇرمىز. ال, جەر بايلىق كوزى. جاڭاشا ارمانداۋدى ۇيرەندىك. جاڭا تەحنولوگيالار اۋىلعا دا كەلدى.
مىسالى, «جۇمىسپەن قامتۋدىڭ جول كارتاسى-2020» باعدارلاماسىنىڭ نەگىزىندە وزدەرىنىڭ جەكە شارۋاشىلىعىن دامىتۋدى ماقسات تۇتقان 7 وتباسى وتكەن جىلى نەسيە الىپ, ءىرى قارا مال ساتىپ الدى. ەرتىس وزەنىنىڭ جاعاسىنداعى جايىلما جەرلەر شارۋا قوجالىقتارى مەن اۋىلدىڭ يگىلىگىندە. قىسقى مال ازىعى مول. بايقونىستا 500-دەن استام ءىرى قارا مال مەن 300-گە تارتا قوي قورالاعان «يللاربەك» شارۋا قوجالىعىن باسقارىپ وتىرعان اندرەي گورديەنكو ەت-ءسۇت ونىمدەرىن ءوزى ءوندىرىپ, ەگىن ەگۋمەن اينالىسادى. جاڭا تەحنولوگيالاردى مەڭگەردىك دەگەن وسى. سونىمەن قاتار, ەت-شۇجىق ونىمدەرىن دايارلاپ, وبلىس كولەمىندە تاراتۋدا. قازىر تسەح ماماندارى جاڭا تەحنولوگيالاردىڭ قىر-سىرىن ۇيرەنىپ, مەڭگەرۋدە. قاڭتار ايىنىڭ سوڭىندا شۇجىق تسەحى تولىق قۋاتىندا پايدالانۋعا بەرىلمەكشى. قىزىلتاڭ اۋىلىندا 300-دەن استام ءىرى قارا مال ءوسىرىپ وتىرعان «قىزىلتاڭ» شارۋا قوجالىعىنىڭ باسشىسى ادىلبەك كەمپىرباەۆ اۋىلعا جۇمىس بەرىپ, ەڭبەك ەتۋدە. جەردىڭ ۇقىپتى يەلەرى دەگەن مىنە, وسى كاسىپكەرلەر. ۇلكەن ىستەر اۋىل-قالالارداعى وسىنداي شاعىن باستامالاردان باستالادى. ەلباسىنىڭ «ءبىزدىڭ قازاقستانىمىز سەرپىندىرەك, لايىقتىراق, سەنىمدىرەك جانە داۋلەتتىرەك بولادى», دەگەن ءسوزىنىڭ شىندىق ەكەنى كۇمانسىز.
قايرات التاەۆ,
بايقونىس اۋىلىنىڭ اكىمى.
پاۆلودار وبلىسى,
قاشىر اۋدانى.