كوكشەتاۋ اۋەجايىنىڭ ۆيتسە-پرەزيدەنتى ولەگ چەرنىشەۆتىڭ جۇمىس ورنىندا اسىلىپ قالعاندىعى جونىندەگى حابار بىرقاتار ادامدى ەلەڭ ەتكىزدى. توسىن وقيعا جايلى الىپقاشپا سوزدەر دە كوبەيدى. مىنە, ەندى اقمولا وبلىستىق كولىك پروكۋراتۋراسى وسىعان قاتىستى قىلمىستىق كودەكستىڭ 105-بابىنا ساي قىلمىستىق ءىس قوزعالعانىن حابارلادى.
سونداي-اق, پروكۋراتۋرا وكىلى مۇنىڭ الدىن الا تۇجىرىم ەكەندىگىن ەسكەرتتى. ازىرگە ارنايى كوميسسيا تياناقتى زەرتتەۋ جۇمىستارىن جۇرگىزۋدە. بارلىق قورىتىندى قۇزىرلى كوميسسيا جۇمىسىنىڭ اياقتالۋىمەن ايقىندالادى.
ولەگ چەرنىشەۆ كوكشەتاۋ اۋەجايىندا 28 جىلدان بەرى جۇمىس ىستەيدى, توپ-مەنەدجەرلىك قىزمەتكە تاعايىندالعانىنا 4 اي بولعان. ءمايىتتى چەرنىشەۆتىڭ اتالعان اۋەجايدا جۇمىس اتقاراتىن ۇلى تاۋىپ العان. ونىڭ تۋعان-تۋىستارى 50 جاستاعى ازاماتتىڭ ءوز-وزىنە قول جۇمساۋى مۇمكىن ەمەستىگىن ايتادى. ونىڭ ۇستىنە 75 جاستاعى اناسىنا ۇنەمى قامقور بولىپ جۇرەتىن و.چەرنىشەۆتىڭ قارتايعان اناسىن قايعىعا باتىرۋى اقىلعا قونبايدى, دەيدى ولار.
ارينە, جوعارىدا ايتىلعان ماسەلەلەردىڭ انىق-قانىعى زەرتتەۋ امالدارىنىڭ قورىتىندىسىندا انىقتالاتىنى بەلگىلى. ال اۋەجاي باسشىسى قىزمەتىنەن بوساتىلدى.
باقبەرگەن امالبەك,
«ەگەمەن قازاقستان».
اقمولا وبلىسى.