اقمولا وبلىسىنداعى «التىنتاۋ-كوكشەتاۋ» تاۋ-كەن ءوندىرىسى جشس جاڭاجىلدىق مەرەكەلىك شارالاردان دەمەۋشىلىك ماقساتىندا باس تارتتى. وعان جۇمسالۋعا جوسپارلانعان اقشا قاراجاتى كومپانيانىڭ مۇقتاج مۇشەلەرىنە جانە مۇگەدەك بالالارعا ماتەريالدىق كومەك رەتىندە ءبولىندى.
كومپانيا باسشىلىعىنىڭ شەشىمىمەن 85 قىزمەتكەردىڭ ءارقايسىسىنا 50 000 تەڭگەدەن قاراجات بەرىلدى. ولاردىڭ قاتارىندا كوپبالالى وتباسىلار, مۇگەدەك بالالارى بار قىزمەتكەرلەر, ۇزاق مەرزىمدى اۋىر ناۋقاسقا شالدىققاندار, اپاتتى جاعدايعا ۇشىراعاندار, ەكى جانە ودان كوپ بالانى قامقورلىققا العاندار بار. وبلىستىق ىشكى ساياسات باسقارماسىنىڭ حابارلاۋىنشا, بۇل ماقساتقا 4 250 000 تەڭگە اقشا جۇمسالدى.
سونداي-اق, كەنشىلەر كوكشەتاۋداعى جۇيكە اۋرۋىنا شالدىققان بالالار مەكەمەسىنە ارنايى كرەسلولار ساتىپ الۋ ءۇشىن 1 000 000 تەڭگە قارجى ءبولدى.
باقبەرگەن امالبەك,
«ەگەمەن قازاقستان».
اقمولا وبلىسى.