استانا. 3 قاڭتار. ەلىمىزدە 1 قاڭتاردان باستاپ زەينەتاقى, جاردەماقى جانە جالاقى كولەمى ءوستى. بۇل تۋرالى 24.kz حابارلادى.
ەلىمىزدە 1 قاڭتاردان باستاپ زەينەتاقى كولەمى 9 پايىزعا جوعارىلادى. ال مۇمكىندىگى شەكتەۋلى جانە اسىراۋشىسىنان ايىرىلعان جاندارعا تيەسىلى جاردەماقى 25 پايىزعا ءوستى. بۇعان قوسا ءدال وسىنداي وڭدى وزگەرىستەر دارىگەر, مۇعالىم جانە باسقا دا مەملەكەتتىك قىزمەتكەرلەردىڭ جالاقىلارىنا قاتىستى بولدى. ولاردىڭ ايلىعى ەڭبەك ءوتىلى مەن كاسىبي بىلىكتىلىگىنە قاراي 7 پايىزدان 40 پايىزعا دەيىن كوتەرىلىپ وتىر. ال ستۋدەنتتەر جاڭا جىلدان باستاپ 25 پايىزعا جوعارىلاتىلعان شاكىرتاقى الادى.
تالعات رايىمبەك.
دەرەك: 24.kz.
سۋرەت: m-astana.kz.