استانا. 3 قاڭتار. ەلىمىزدە اۋا رايى قۇبىلىپ تۇر. شىعىس قازاقستان, قوستاناي, قىزىلوردا وبلىستارىندا بۇرقاسىن سوعىپ, جولداردىڭ كەي بولىكتەرى جابىلدى. بۇل تۋرالى 24.kz حابارلادى.
توتەنشە جاعدايلار قىزمەتىنىڭ حابارلاۋىنشا, «اقتوبە-حرومتاۋ» تاسجولىنىڭ بەلوگوركا كەنتىنە دەيىنگى اۋماعى, سونداي-اق شىعىس قازاقستان وبلىسىندا «قاراعاندى-اياگوز-بۇعاز» جانە «كۇرشىم-قالجىر» تاسجولىنىڭ كەي بولىكتەرىندە, سونىمەن قاتار قوستاناي وبلىسىنداعى «جىتىقارا-مىقتىكول» باعىتتارىندا كولىك قوزعالىسىنا شەكتەۋ قويىلدى. مۇنان بولەك, قىزىلوردا وبلىسىنىڭ «سامارا-شىمكەنت» اۆتوجولىندا قوزعالىس توقتاتىلدى.
ايتا كەتەيىك, ەلىمىزدىڭ سينوپيكتەرى اۋا رايىنىڭ قولايسىزدىعى مەن كۇننىڭ كۇرت سۋىتۋىنا وراي قازاقستاندىقتاردى رەتسىز دالاعا شىقپاۋ مەن اباي بولۋعا شاقىرادى.
تالعات رايىمبەك.
دەرەك, سۋرەت: 24.kz.