استانا. 2 قاڭتار. ءۇندىستاننىڭ سولتۇستىگىندە ورنالاسقان ۋتتار-پرادەش شتاتىندا ساياحاتشىلار اۆتوبۋسى جول تالعامايتىن كولىكپەن سوقتىعىسىپ, سالدارىنان 12 ادام قازا تاپتى. بۇل تۋرالى يانس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
جول اپاتىنان كولىك جۇرگىزۋشىسىمەن قوسا بىرنەشە جولاۋشى كوز جۇمدى. اۆتوبۋس ىشىندە 20-دان استام قىتايلىق تۋريستەر بولعان. قازا تاپقانداردان بولەك, بىرەشە ادام ءتۇرلى جاراقات الدى.
اپاتتىڭ نەگىزگى سەبەبى ازىرگە بەلگىسىز. ءتارتىپ ساقشىلارى وقيعا ورنىندا تەرگەۋ جۇمىستارىن جۇرگىزۋدى باستادى. ءۇندىستاننىڭ سولتۇستىك بولىگى قىس مەزگىلىندە تۇندە جانە تاڭەرتەڭ تۇماندى بولىپ تۇرادى. اپاتتى جاعدايدىڭ دا نەگىزگى سەبەبى وسىدا بولۋى مۇمكىن دەگەن بولجام بار.
ايتا كەتەيىك, ءۇندىستان الەم بويىنشا جول-كولىك وقيعالارى ءجيى بولاتىن ەلدەردىڭ اراسىندا ءبىرىنشى ورىندا تۇر. جىل سايىن بۇل ەلدە 150 مىڭعا جۋىق ادام كولىك اپاتىنان قازا تابادى.
ايان ءابدۋالي.
دەرەك: يانس.
سۋرەت: hotaccident.net.