جۇيەلى جۇمىس تابىسقا باستايدى

جاستىقتىڭ ج ۇلىنقۇرتى

ىشكى ىستەر مينيسترلىگى تاراپى­نان مۇددەلى مەملەكەتتىك جانە جەرگىلىكتى اۋماقتىق ورگاندارمەن بىرلەسە وتىرىپ, ناشاقورلىققا ءجا­نە ەسىرتكى بيزنەسىنە قارسى سترا­تەگيانىڭ ەكىنشى كەزەڭىن – 2009-2011 جىلدارعا ارنالعان باعدارلا­مانى ىسكە اسىرۋ بويىنشا ەلەۋلى جۇ­مىس­تار اتقارىلدى. ياعني, ءۇستى­مىز­دەگى جىلدىڭ ءبىرىنشى جارتى­جىل­دىعىندا باعدارلامانىڭ 55 ءىس-شاراسى ىسكە اسىرىلىپ, كوزدەلگەن كەستەلىك جۇيەنىڭ ورىندالۋى قامتاماسىز ەتىلدى. مينيسترلىكتىڭ ەسىرتكىگە قارسى كۇرەس كوميتەتى مەن ونىڭ اۋماق­تىق بولىنىستەرى ەلىمىزدەگى ءبىلىم بەرۋ, دەنساۋلىق ساقتاۋ مەكەمە­لەرى­نىڭ, ۇكىمەتتىك ەمەس ۇيىمدار­دىڭ, “مەكتەپ ينسپەكتورلارىنىڭ” ءوزارا ءىس-قيمىل بىرلىگى نەگىزىندە بالا­لار مەن جاستارعا ارنالعان 5200 ءارتۇرلى الدىن الۋ ءىس-شارا­لارىن وتكىزدى. اتاپ ايتقاندا, 295 اكتسيا, 3419 ءدارىس پەن كەزدەسۋ, 299 دوڭگەلەك ۇستەل ءماجىلىسى ءوتىپ, 380 سپورت جارىستارى مەن تۋرنيرلەرگە 246,5 مىڭ ادام قامتىلدى. استانا, الماتى قالالارىندا, بارلىق وبلىس ورتالىقتارىندا كوميتەتتىڭ باستاماسى بويىنشا حا­لىق­ارالىق ناشاقورلىققا قار­سى كۇرەس كۇنىنە ارنالعان اكتسيا­لار ۇيىمداستىرىلدى. وسى اكتسيا­نىڭ شەڭبەرىندە, كوميتەت باستاما­سىمەن مادەني-بۇقارالىق جانە سپورتتىق ءىس-شارالار ۇيىمداس­تى­رى­لىپ, وتكىزىلدى. بۇل ءىس-شارالار­دىڭ بارلىعى دا حالىقتىڭ ەسىرت­كى­گ­ە قارسى كوڭىل اۋانىن قالىپتاس­تىرۋعا باعىتتالدى. اعىمداعى جىلى پاۆلودار, استانا, الماتى قالالارىنىڭ 161 ورتا ءبىلىم بەرۋ وقۋ ورنىندا وقۋ­شىلاردىڭ, مامانداردىڭ قاتى­سۋى­مەن ەسىرتكىگە قارسى كوم­پيۋ­تەر­لىك باعدارلامانى سىناۋ جانە ەنگىزۋ ۇيىمداستىرىلدى. وسى شا­را بارى­سىندا پسيحولوگتار, الەۋ­مەتتىك پە­دا­گوگتار ءۇشىن “بالا­لار مەن ءجاسوس­پىرىمدەردىڭ پسيحي­كالىق بەلسەندى زاتتارعا تاۋەلدىلىگى تاۋە­كەل­دەرىنىڭ قا­لىپتاسۋى مەن دا­مۋىن ەرتە انىق­­تاۋ تاسىلدەرى” تا­قى­رىبى بو­يىن­شا ءۇش كۇندىك سە­مي­نار-ترە­نينگتەر وتكىزىلدى. سىن­نان ءسۇرىن­بەگەن 161 مامانعا ار­نا­يى سەرتي­في­كاتتار تاپسىرىل­دى. سون­داي-اق, قاراعاندى, پاۆ­لودار جانە تاراز قالا­لارىنىڭ مەكتەپ­تەرىندە كوم­پيۋتەرلىك باع­دارلاما­نى ءتيىمدى پايدالانۋدىڭ مو­نيتو­رينگ جۇيەسى ازىرلەنىپ, جۇمىس اۋ­قى­مىن الدىن الا باعالاۋ وتكىزىلدى. جىل ىشىندە جالپى ءبىلىم بەرە­تىن 5020 مەكتەپتە ەسىرتكى بەكەتتەرى, 211 سەنىم تەلەفونى, 162 بالالار قوعامدىق قابىلداۋلارى قۇرىلىپ, ولاردىڭ كۇشىمەن وقۋشىلارعا پسيحولوگيالىق كومەك كورسەتىلۋدە. ستاتيستيكالىق دەرەكتەر بو­يىن­شا 51 366 ەسىرتكى قۇرال­دارىن, پسيحوتروپتىق جانە ۋىتتى زاتتار­دى تۇتىنۋشى 51366 ادام تىركەل­گەن. كورسەتكىش بىلتىرعى جىلعى­دان 8,6 پايىزعا تومەندەگەن. ەسەپ­تە تۇرعان ايەلدەر مەن كامە­لەت­كە تولماعاندار قاتارىنىڭ تۇ­راقتى كەمۋ ءۇردىسى ساقتالۋدا. سون­­داي-اق, سوڭعى جىلدارى “نا­شا­قور” جانە “ۋىتقۇمار” دياگ­نوزى­مەن ەسەپتە تۇرعان كامەلەتكە تول­ماعاندار سانى­نىڭ قىسقارۋى بايقالۋدا. مينيسترلىكتىڭ نەگىزگى كۇشتەرى ەسىرتكىنى وتكىزۋ فاكتىلەرىنىڭ جولىن كەسۋگە, ەسىرتكى ترافيگىنىڭ ارنا­لارىن جابۋعا جانە ەسىرتكىنىڭ ءىرى پارتيالارىن جويۋعا جۇمىل­دىرىل­عان. جىلدىڭ التى ايىندا قۇ­قىق قورعاۋ ورگاندارى 5079 ەسىرت­­كى قىلمىسىن انىقتادى, ونىڭ 4817-ءسى ىشكى ىستەر ورگان­دارى­نىڭ ۇلە­سىندە. مينيسترلىكتىڭ ەسىرتكىگە قارسى كۇرەس بولىمدەرى 3 ۇيىم­داس­قان قىلمىستىق توپتى انىقتا­دى, ولاردىڭ 10-نى ەسىرتكى قىلمىسىن جاساعانى دالەلدەنىپ وتىر. وعان قوسا, ەل اۋماعىنا ەسىرت­كى كونترا­بان­داسىنا بايلا­نىس­تى 52 قىلمىس­تىق ارەكەت ءتىر­كەل­گەن. ىشكى ىستەر ورگاندارىنىڭ ەسىرتكى بيزنەسىنە قارسى كۇرەس ءبو­لىم­دەرى وتكەن جىلى ەسىرتكى ترا­فيگىنىڭ 62 ارناسىن جوي­دى, ءناتي­جەسىندە 175 كيلوعا جۋىق ەسىرتكى, ونىڭ ىشىندە 9,5 كيلو گەروين الىن­دى. ەسىرتكى ترافيگى ار­نا­لارى­نىڭ جولىن كەسۋ ماق­ساتىن­دا “با­قى­لاۋداعى جەتكىزىلىم ءادىسى بويىن­شا” 11 وپەراتسيا, ونىڭ ىشىندە 3-ءى رەسەيلىك ارىپتەستەرمەن ءبىر­لەسىپ وتكىزىلدى. وسىنىڭ ءناتي­جە­سىن­دە 155 كيلو ەسىرتكى جويىلدى. ەسىرتكى قىلمىسىن جاساعانى ءۇشىن 3331 ادام ۇستالعانى الاڭ­داتادى. سوعان قاراماستان, جىل ءىشىن­دە ەسىرتكى قىلمىسىنا قاتىس­تى ايەلدەر سانىنىڭ 10 پايىزعا, كامەلەتكە تولماعاندار سانىنىڭ 76,2 پايىزعا ازايۋىنا بايلانىستى وڭ ءۇردىس ساقتالدى. ەسىرتكى بيزنەسىنە قارسى كۇرەس سالاسىندا حالىقارالىق ىنتى­ماق­تاستىق بايلانىستار كەڭەيتىلگەنىن اتاپ ءوتۋ قاجەت. اعىمداعى جىلعى 17 مامىردا ەسىرتكى قۇرالدارىنىڭ زاڭسىز اينالىمىنا جانە ولاردىڭ تەرىس پايدالانۋىنا قارسى كۇرەستە ىنتىماقتاستىق تۋرالى قازاقستان رەسپۋبليكاسى ۇكىمەتى جانە اۋعان­ستان يسلام رەسپۋبليكاسى ۇكىمەتى­نىڭ اراسىندا كەلىسىمگە قول قويىل­دى. شانحاي ىنتىماقتاستىق ۇيى­مى اۋقىمىندا اۋعانستان بويىن­شا ارنايى كونفەرەنتسيا­لارعا بەلسەندى قاتىسۋ جۇزەگە استى. بۇل ورايدا شىۇ-عا مۇشە مەملەكەت­تەر مەن اۋعانستاننىڭ تەرروريزم­گە, ەسىرتكىنىڭ زاڭسىز اينالىمى مەن ۇيىمداسقان قىلمىسقا قارسى كۇرەس پروبلەمالارى بويىنشا ماڭىزدى قۇجاتتار قابىلداندى. سونداي-اق, ۇجىمدىق قاۋىپسىزدىك شارت تۋرالى ۇيىمعا مۇشە مەم­لە­كەت­تەردىڭ جەدەل-ىزدەستىرۋ قىزمەتى سالاسىنداعى ىنتىماقتاستىق, اقپاراتتار الماسۋ جانە كادرلاردى دايىنداۋ جونىندەگى ءۇش وتىرى­سىنا قاتىستىق. وندا كادرلاردى دايارلاۋ جانە قايتا دايارلاۋ, ءبىر­لەس­كەن دەرەكتەر بانكىنىڭ جۇمى­سىن جەتىلدىرۋ, جەدەل ءوزارا ءىس-ارەكەتتەر ىقپالىن ارتتىرۋدى كوزدەيتىن ءىس-شارالار بەلگىلەندى. ەلىمىزدە بۇۇ-نىڭ ەسىرتكى جانە ەسىرتكى قىلمىستارى ءجونىن­دەگى باسقارماسىمەن بىرلەسىپ, ەلدىڭ قۇقىق قورعاۋ ورگاندارىنىڭ ەسىرت­كى بيزنەسىنە قارسى كۇرەس بويىنشا قىزمەتىن جەتىلدىرۋگە, ولاردى ما­تەريالدىق-تەحنيكالىق جانە كادر­لىق الەۋەتىن نىعايتۋعا باعىتتال­عان بىرقاتار جوبالار ىسكە اسىرى­لۋ­دا. وسى ورايدا “استانا – ەسىرت­كى­سىز قالا” وڭىرلىك باعدارلاما­سى­نىڭ تابىستى اتقارىلىپ جات­قانىنا نازار سالعىمىز كەلەدى. ەسىرتكىگە قارسى قوعامدىق يم­مۋنيتەتتى قالىپتاستىرۋ ماق­ساتىن­دا باق-پەن تىعىز بايلانىس ورنا­تىلدى. مەديا-جوسپار بويىن­شا 26 ءباسپاسوز ءماسليحاتى مەن بري­فينگ وتكىزىلدى. بۇقارالىق اق­پارات قۇرال­دارىندا 426 ماتەريال, ونىڭ ىشىندە 145 تەلەسيۋجەت جا­ريا­ل­اندى. جالپى, ءبىزدىڭ كۇندەلىكتى قىز­مەتىمىزدە قازاقستان رەسپۋبليكا­سىن­دا ناشاقورلىققا جانە ەسىرتكى بيزنەسىنە قارسى كۇرەستىڭ 2006-2014 جىلدارعا ارنالعان ستراتە­گياسىن, “استانا – ەسىرتكىسىز قالا” باعدارلاماسىن ىسكە اسىرۋ ءجو­نىن­دەگى ءىس-شارالار باسىم باعىتتار بولىپ قالا بەرمەك. مارات بورانباەۆ, ىشكى ىستەر مينيسترلىگىنىڭ باسقارما باستىعى, پوليتسيا پولكوۆنيگى.