15 اقپان, جەكسەنبى كۇنى قازاقستاننىڭ باسىم بولىگىندە اۋا رايى كۇرت وزگەرىپ, كۇن ايازدى ءارى جاۋىن-شاشىندى بولادى, دەپ حابارلايدى Egemen.kz.
ەلىمىزدىڭ بىرقاتار وڭىرىندە قاۋىپتى مەتەورولوگيالىق قۇبىلىستار بولادى.
رەسپۋبليكانىڭ باسىم بولىگى ءالى دە اۋقىمدى انتيتسيكلوننىڭ ىقپالىندا بولادى. وسىعان بايلانىستى ەلىمىزدىڭ سولتۇستىك, ورتالىق جانە شىعىس وڭىرلەرىندە ساقىلداعان سارى اياز ساقتالادى.
اتموسفەرالىق فرونتتاردىڭ وتۋىنە بايلانىستى ەلىمىزدىڭ باتىس, وڭتۇستىك جانە وڭتۇستىك-شىعىس بولىكتەرىندە جاۋىن-شاشىن كۇتىلەدى. سينوپتيكتەردىڭ مالىمەتىنشە, بۇل وڭىرلەردە جولداردا كوكتايعاق بولادى, تۇمان ءتۇسىپ, كورىنۋ مۇمكىندىگى شەكتەلەدى, جەلدىڭ ەكپىنى كۇشەيەدى.
ەرتەڭ قازاقستاننىڭ وڭتۇستىك-شىعىسىنداعى تاۋلى اۋدانداردا قالىڭ قار جاۋادى. قۇتقارۋ قىزمەتكەرلەرى مەن سينوپتيكتەر تاۋلى ايماق تۇرعىندارى مەن تۋريستەرگە ساقتىق شارالارىن ساقتاۋدى ۇسىندى.
«رەسپۋبليكا بويىنشا تۇمان ءتۇسىپ, جەلدىڭ كۇشەيۋى كۇتىلۋدە. الىس جولعا شىعاتىن جۇرگىزۋشىلەر ساق بولىڭىزدار», دەلىنگەن حابارلامادا.