اقتاۋ قالاسىنىڭ مامانداندىرىلعان تەرگەۋ سوتىنىڭ توراعاسى بەرىك وتەەۆكە قاتىستى قىلمىستىق ءىس قوزعالدى, دەپ حابارلايدى Egemen.kz.
بۇل اقپاراتتى ۇلتتىق قاۋىپسىزدىك كوميتەتى Nur.kz پورتالىنا بەرگەن رەسمي جاۋابىندا راستادى.
بۇعان دەيىن بۇقارالىق اقپارات قۇرالدارىندا سۋدياعا قاتىستى تەكسەرىس ءجۇرىپ جاتقانى تۋرالى بەيرەسمي دەرەكتەر تاراعان بولاتىن.
ۇقك وكىلدەرىنىڭ مالىمدەۋىنشە, قازىرگى ۋاقىتتا تەرگەۋ مۇددەسىنە بايلانىستى وزگە اقپارات جاريا ەتۋگە جاتپايدى.
بەرىك وتەەۆ ماڭعىستاۋ ەنەرگەتيكالىق كوللەدجىن جانە قر پرەزيدەنتى جانىنداعى مەملەكەتتىك باسقارۋ اكادەمياسىن تامامداعان. قىزمەتىن اتىراۋ وبلىسىنداعى سىبايلاس جەمقورلىققا قارسى ءىس-قيمىل ورگاندارىندا باستاعان. كەيىن مۇنايلى اۋداندىق سوتىنىڭ سۋدياسى بولعان.
2023 جىلدىڭ ماۋسىم ايىندا پرەزيدەنت جارلىعىمەن اقتاۋ قالاسىنىڭ مامانداندىرىلعان تەرگەۋ سوتىنىڭ توراعاسى بولىپ تاعايىندالعان ەدى.