نورۆەگيادا ءبىرىنشى سىنىپ وقۋشىسى حەنريك رەفسنەس ميورتۆەدت مەكتەپ ەكسكۋرسياسى كەزىندە جەردەن شىققان ەرتە ۆيكينگ داۋىرىنە جاتاتىن بىرقاباتتى قىلىشتى كەزدەيسوق تاۋىپ الدى. ارحەولوگتار تاپقان زاتتىڭ شامامەن 1300 جىلدىق ەكەنىن ايتىپ وتىر, دەپ جازادى Egemen.kz.
Bild مالىمەتىنشە, حەنريك القاپتا جەردەن شىققان قىشقىل مەتالدان جاسالعان زاتتى بايقاپ, ونى تارتىپ الماق بولىپتى. كەيىن انىقتالعانداي, بۇل شامامەن 1,3 مەترلىك ەجەلگى بىرجاقتى قىلىش بولىپ شىققان. بالالار مەن مۇعالىمدەر تاۋىپ العان زاتتى اۋداندىق بيلىككە حابارلاعان, كەيىن ونى ماماندارعا تاپسىرعان.
اقمولا وبلىسىندا ءبىرىنشى سىنىپ وقۋشىسىنىڭ بەتىن يت تىستەپ العان
ارحەولوگتاردىڭ ايتۋىنشا, ارتەفاكت مەروۆينگتەر داۋىرىنە نەمەسە ۆيكينگتەر ءداۋىرىنىڭ ەرتە كەزەڭىنە تيەسىلى بولۋى مۇمكىن. ساراپشىلار ايماق ءالى دە ماڭىزدى ارحەولوگيالىق جاڭالىقتار اكەلىپ وتىرعانىن اتاپ ءوتتى. جۋىردا نورۆەگيادا اۋەسقوي ىزدەۋشىلەر شامامەن 1000 جىلى جاسالعان ءۇش مىڭعا جۋىق كۇمىس تيىندى قامتيتىن ەڭ ءىرى ۆيكينگ قازىناسىن تاپقان. قازىنا تابىلعان جەر مەكتەپ وقۋشىسى تاپقان قىلىشتان شامامەن 170 كيلومەتر جەردە.
قازىرگى تاڭدا قىلىش وسلو مۋزەيىندە ساقتاۋلى, مۇندا ماماندار ونى جان-جاقتى زەرتتەيتىن بولادى. كەيىن ول مۋزەي ەكسپوزيتسياسىنا قويىلادى.
مەكتەپتەردە وقۋشىلارعا سمارتفون قولدانۋعا تىيىم سالىنۋى مۇمكىن