بۇگىن تۇندە لا ليگانىڭ 35-ءشى تۋرى اياسىندا وتەتىن «بارسەلونا» مەن «رەال مادريد» اراسىنداعى شەشۋشى كەزدەسۋ قارساڭىندا مادريدتىك كلۋبتىڭ مالىمدەمەسى جانكۇيەرلەردى ەسەڭگىرەتىپ تاستادى. كوماندانىڭ باستى جۇلدىزى كيليان مباپپە مەن تاعى 7 ويىنشى بۇل ماتچقا قاتىسپايدى, دەپ حابارلايدى Egemen.kz.
فرانتسيا قۇراماسىنىڭ كاپيتانى كيليان مباپپە سوڭعى جاتتىعۋلارعا قاتىسقانىنا قاراماستان تىزىمگە ەنبەي قالدى. بۇعان ءساۋىر ايىنىڭ سوڭىندا العان سول اياعىنىڭ ءسىڭىر جاراقاتى سەبەپ بولعان. دارىگەرلەر جۇلدىزدى شابۋىلشىنىڭ دەنساۋلىعىنا قاتىستى تاۋەكەلگە بارماۋدى ءجون كورگەن.
مباپپەدەن بولەك, «كورولدىك كلۋبتىڭ» تاعى 7 ماڭىزدى ويىنشىسى مەديتسينالىق سەبەپتەرمەن ساپتان شىقتى: ەدەر ميليتاو, فەرلان مەندي, داني كارۆاحال, داني سەبالوس, اردا گيۋلەر, فەدەريكو ۆالۆەردە جانە رودريگو گوەس.
ەل-كلاسيكودا «رەالدى» ۆينيسيۋس جۋنيور باستاپ شىعادى
ءبىر قىزىعى, ۆيتسە-كاپيتان ۆالۆەردەمەن جانجالداسىپ, 500 مىڭ ەۋرو ايىپپۇل ارقالاعان ورەلەن تچۋامەني قۇرامعا ەندى.
ماتچ 10 مامىردان 11 مامىرعا قاراعان ءتۇنى ساعات 00:00-دە (استانا ۋاقىتىمەن) «كامپ نوۋ» ستاديونىندا وتەدى.