باۋىرجان ءابجانوۆ ۇلتتىق قورعانىس ۋنيۆەرسيتەتىنىڭ باستىعى بولىپ تاعايىندالدى. بۇل تۋرالى اقوردانىڭ ءباسپاسوز قىزمەتى حابارلادى, دەپ جازادى Egemen.kz.
«مەملەكەت باسشىسىنىڭ وكىمىمەن باۋىرجان سادىق ۇلى ءابجانوۆ قازاقستان رەسپۋبليكاسى ۇلتتىق قورعانىس ۋنيۆەرسيتەتىنىڭ باستىعى لاۋازىمىنا تاعايىندالدى», دەلىنگەن حابارلامادا.
ءابجانوۆ باۋىرجان سادىق ۇلى 1968 جىلى 10 ساۋىردە كوكشەتاۋ وبلىسى (قازىرگى اقمولا) ەڭبەكشىلدەر اۋدانى مادەنيەت اۋىلىندا دۇنيەگە كەلگەن.
1990 جىلى كسرو ءىىم نوۆوسيبيرسك جوعارى اسكەري كوماندالىق ۋچيليششەسىن, 1998 جىلى م.ۆ.فرۋنزە اتىنداعى اسكەري اكادەميانى ۇزدىك, رەسەي فەدەراتسياسى قارۋلى كۇشتەرى باس شتابىنىڭ اكادەمياسىن, 2013 جىلى ماسكەۋ قالاسىندا ۇزدىك ءبىتىردى.
ايتا كەتەيىك, بۇگىنگى تاعايىنداۋعا دەيىن ول قر ۇلتتىق ۇلانى باس قولباسشىسىنىڭ ورىنباسارى لاۋازىمىن اتقارىپ كەلدى. گەنەرال-مايور اتاعىنا يە.