ديماش قۇدايبەرگەن ەرلەر اراسىنداعى مانەرلەپ سىرعاناۋدان وليمپيادا چەمپيونى ميحايل شايدوروۆتى ميلاندا وتكەن قىسقى وليمپياداداعى جەڭىسىمەن قۇتتىقتاپ, سپورتشىعا اۆتوكولىك سىيلايتىنىن مالىمدەدى, دەپ حابارلايدى Egemen.kz.
قازاقستاننىڭ حالىق ءارتىسى ديماش قۇدايبەرگەن ءوزىنىڭ الەۋمەتتىك جەلىدەگى پاراقشاسىندا مانەرلەپ سىرعاناۋدان قىسقى وليمپيادا چەمپيونى بولعان ميحايل شايدوروۆتى تاريحي جەڭىسىمەن قۇتتىقتاپ, اۆتوكولىك سىيعا تارتاتىنىن ايتتى.
«مۇز ۇستىندەگى قوزعالىسىڭ مەن شەبەرلىگىڭ سەنى جاي عانا چەمپيون ەمەس – بۇكىل ەلگە ءۇمىت, رۋح پەن شابىت سىيلاعان ۇلكەن تۇلعاعا اينالدىردى. سەن ەلىمىزدىڭ ماقتانىشى, مەنىڭ دوسىم, ءوزىڭنىڭ اعاڭ بولعان, وكىنىشكە قاراي حالقىمىزدان ەرتە كەتكەن دەنيستىڭ اماناتىنا قيانات جاساعان جوقسىڭ. ونىڭ الدىنداعى, ەل مەن حالىق الدىنداعى پارىزىڭدى جوعارى دەڭگەيدە ابىرويمەن ورىندادىڭ. مۇزداعى جولىڭ ءاردايىم جارىق, شابىتقا تولى بولسىن. ونەرىڭمەن الەمدى باعىندىرىپ, جاڭا بيىكتەردى باعىندىرا بەر!
وليمپيادادا مەنىڭ ورىنداۋىمداعى ءاندى تاڭداعانىڭ ءۇشىن ساعان ەرەكشە العىس ايتامىن. مەنى دە قاتتى قۋانتتىڭ, باقىتقا بولەدىڭ. ۇلكەن راقمەت! كولىك مەنىڭ موينىمدا. جەڭىس قۇتتى بولسىن», دەپ قۇتتىقتادى ديماش.
ارماننان التىنعا دەيىن: ميحايل شايدوروۆتىڭ چەمپيوندىق جولى