بۋرابايداعى “سامال” دەمالىس ۇيىندە ەلىمىزدەگى ىشكى ساياسات سالاسىنداعى مەملەكەتتىك ورگانداردىڭ جاڭا كەزەڭدەگى جۇمىسىن جەتىلدىرۋ ماسەلەلەرىن تالقىلاعان سەمينار-ترەنينگ وتكىزىلدى. ونى مادەنيەت مينيسترلىگى, مەملەكەتتىك قىزمەت ىستەرى جونىندەگى اگەنتتىگى مەن اقمولا وبلىستىق اكىمدىگى ۇيىمداستىردى.
ماڭىزدى ءىس-شارانى قازاقستان رەسپۋبليكاسى پرەزيدەنتى اكىمشىلىگى ىشكى ساياسات ءبولىمىنىڭ سەكتور مەڭگەرۋشىسى ايجان شاينازاروۆا كىرىسپە سوزبەن اشىپ, وعان شاقىرىلعان استانا مەن الماتى قالالارىنىڭ جانە وبلىستار اكىمدىگى ىشكى ساياسات باسقارمالارىنىڭ باستىقتارىنا, اۋدان اكىمدەرى ورىنباسارلارىنا, بەلگىلى عالىمدار مەن باق وكىلدەرىنە بەلسەندى جۇمىس تىلەدى.
مادەنيەت ءمينيسترىنىڭ ورىنباسارى عازيز تەلەباەۆ ءوز سوزىندە تاۋەلسىز مەملەكەتىمىز ءوز دامۋىنىڭ ەلەۋلى كەزەڭىنە اياق باسقانىن اتاپ كورسەتتى. قازاقستاننىڭ ەقىۇ-عا توراعالىعى تابىستى جالعاسىن تابۋدا, الداعى جەلتوقسان ايىندا وتەتىن استانا سامميتىنە الەم جۇرتشىلىعى ايرىقشا ىقىلاس تانىتىپ وتىر. كەلەسى جىلى ەرەكشە قۋانىشتى بەلەس – تاۋەلسىزدىگىمىزدىڭ 20 جىلدىعى مەرەكەلەنبەك. وسىعان وراي مەملەكەتىمىزدىڭ ماڭىزدى تۇجىرىمداماسى جاسالدى. ماسەلە ءىس-شارالاردىڭ سانىندا ەمەس, ساپاسىندا ەكەندىگى داۋسىز. مۇندا ىشكى ساياسات سالاسى قىزمەتكەرلەرىنە جۇكتەلەر جاۋاپكەرشىلىك سالماقتى.
ۆيتسە-مينيستر سونداي-اق, “مەملەكەتتىك الەۋمەتتىك تاپسىرىس تۋرالى” زاڭ قابىلدانۋىمەن ۇكىمەتتىك ەمەس ۇيىمدار قىزمەتى جاڭا باعدارلامالارىن جۇزەگە اسىرۋعا مول ءمۇمكىندىك العانىن, مۇندا مينيسترلىك بۇكىل تاپسىرىستاردىڭ 70 پايىزىن قامتيتىن ەڭ ءىرى تاپسىرىس بەرۋشى بولىپ وتىرعانىن اتاپ كورسەتتى.
پلەنارلىق ماجىلىستە اقمولا وبلىسى اكىمىنىڭ ورىنباسارى اسحات قايناربەكوۆ, مادەنيەت ءمينيسترلىگىنىڭ قوعامدىق-ساياسي جۇمىستار دەپارتامەنتىنىڭ ديرەكتورى بانۋ نۇرعاليەۆا, اقمولا وبلىستىق ىشكى ساياسات باسقارماسىنىڭ باستىعى گۇلجانار شوكەەۆا, وسى وبلىستاعى ەڭبەكشىلدەر اۋدانى اكىمىنىڭ ورىنباسارى قابيبوللا شاياحمەتوۆ ءسوز سويلەدى.
شەبەرلىك-سىنىپتار مەن ترەنينگتەردە استانا, الماتى, سانكت-پەتەربۋرگ قالالارىنان كەلگەن بەلگىلى عالىمدار “ازاماتتىق كونفەرەنتسيالاردىڭ” نەگىزگى امالدارى”, “ازاماتتارمەن جۇمىس جاساۋداعى الەۋمەتتىك-پسيحولوگيالىق جۇمىس ەرەكشەلىكتەرى”, “ازاماتتار مەن ۇكىمەتتىك ەمەس ۇيىمداردىڭ ءوزارا كونسترۋكتيۆتى بايلانىسىنداعى اقپاراتتى الۋ جانە ءوندىرۋ تەحنولوگياسى” دەگەن تاقىرىپتاردا بايانداما جاسادى. سەمينارعا قاتىسۋشىلار ەلباسى ن. نازارباەۆتىڭ قازاقستان حالقىنا جولداۋىنىڭ باسىمدىقتارىن ءتۇسىندىرۋ جۇمىستارىن, مەملەكەتتىك ورگانداردىڭ ازاماتتىق قوعام مەن ىشكى ساياسات سالاسىنداعى الەۋمەتتىك ماسەلەلەردى شەشۋدەگى ءرولىن, مەملەكەتتىك ورگانداردىڭ اتقارىپ جاتقان ىستەرى جونىندە قوعامدى اقپاراتتاندىرۋداعى جاڭا تەحنولوگيالار مەن PR-تەحنولوگيالاردى قولدانۋدىڭ ءادىس-تاسىلدەرىن كەڭىنەن تالقىلادى.
باقبەرگەن امالبەك. اقمولا وبلىسى.