3 قىركۇيەكتە قازاقستان رەسپۋبليكاسى پرەزيدەنتىنىڭ جانىنداعى ادام قۇقىقتارى جونىندەگى كوميسسيا مۇشەلەرىنىڭ قازاق گۋمانيتارلىق زاڭ ۋنيۆەرسيتەتىنىڭ ستۋدەنتتەرىمەن جانە وقىتۋشىلارىمەن كونستيتۋتسيانىڭ 15 جىلدىعىنا ارنالعان كەزدەسۋى بولىپ ءوتتى.
كەزدەسۋگە مەملەكەت باسشىسىنىڭ جانىنداعى ادام قۇقىقتارى جونىندەگى كوميسسيا مۇشەلەرى, قازاقستان رەسپۋبليكاسى پارلامەنتىنىڭ دەپۋتاتتارى, قازاقستان رەسپۋبليكاسى باس پروكۋراتۋراسىنىڭ, جوعارعى سوتىنىڭ, ءادىلەت, سىرتقى ىستەر, ىشكى ىستەر مينيسترلىكتەرىنىڭ, حالىقارالىق ۇيىمداردىڭ, شەت ەل ەلشىلىكتەرىنىڭ وكىلدەرى, ۇكىمەتتىك ەمەس ۇيىمداردىڭ, بۇقارالىق اقپارات قۇرالدارىنىڭ وكىلدەرى, سونداي-اق قازاق گۋمانيتارلىق زاڭ ۋنيۆەرسيتەتىنىڭ وقىتۋشىلارى مەن ستۋدەنتتەرى قاتىستى.
كەزدەسۋگە قاتىسۋشىلار الدىندا قازاقستان رەسپۋبليكاسى پرەزيدەنتىنىڭ جانىنداعى ادام قۇقىقتارى جونىندەگى كوميسسيانىڭ ءتوراعاسى ساعىنبەك تۇرسىنوۆ, پارلامەنت ءماجىلىسىنىڭ جانىنداعى قوعامدىق كەڭەس توراعاسىنىڭ ورىنباسارى, قازاق گۋمانيتارلىق زاڭ ۋنيۆەرسيتەتىنىڭ پرەزيدەنتى ماقسۇت نارىكباەۆ قۇتتىقتاۋ ءسوز سويلەدى.
ۋنيۆەرسيتەت ستۋدەنتتەرى ارلان مولداباەۆ, جىبەك سارباسوۆا, دانيار توقسانباەۆ جانە وقىتۋشى ايدارحان ايافوۆ باياندامالار جاساپ, ءسوز سويلەدى.
كەزدەسۋگە قاتىسۋشىلار باياندامالاردى تالقىلاپ, قازاقستان رەسپۋبليكاسىندا ادامنىڭ جانە ازاماتتىڭ قۇقىقتارى مەن بوستاندىقتارىن قورعاۋدىڭ مەملەكەتتىك تەتىكتەرىن جەتىلدىرۋ تۋرالى جانە قۇقىقتىق مەملەكەت قۇرۋ تۋرالى ءوزارا پىكىر الماستى.
ادام قۇقىقتارى جونىندەگى كوميسسيا مۇشەلەرى, حالىقارالىق ۇيىمداردىڭ, شەت ەل ەلشىلىكتەرىنىڭ, مەملەكەتتىك ورگانداردىڭ, ۇكىمەتتىك ەمەس ۇيىمداردىڭ وكىلدەرى ستۋدەنتتەردى قىزىقتىراتىن سۇراقتارعا جاۋاپ بەردى.