كەشە پرەمەر-مينيستر كارىم ءماسىموۆ قارجى-ەكونوميكالىق ماسەلەلەر بويىنشا جۇمىس بابىنداعى كەڭەس وتكىزدى.
سول سياقتى ۇكىمەت باسشىسى ۇلەستىك قۇرىلىستىڭ پروبلەمالى ءماسەلەلەرىن شەشۋ جونىندەگى بىرەگەي ۇيلەستىرۋ كەڭەسىنىڭ وتىرىسىن ءوتكىزىپ, وندا ادال ەمەس قۇرىلىس جۇرگىزۋشىلەردىڭ اكتيۆتەرىن ولاردىڭ ءىس-ارەكەتىنەن ۇلەسكەرلەرگە كەلگەن زيانداردىڭ ورنىن تولتىرۋ ءۇشىن كەرى قايتارۋ ماسەلەلەرى تالقىلاندى.
وسى كۇنى تۇستەن كەيىن كارىم ءماسىموۆ قۇقىق قورعاۋ ورگاندارىندا رەفورما جۇرگىزۋ جانە قازاقستاندا عارىش سالاسىن دامىتۋ ءماسەلەلەرى بويىنشا جۇمىس بابىنداعى كەڭەس وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.