ازياداعا 158 كۇن قالدى

ازياداعا 10 مىڭ تۋريست كەلەدى! ال قازاقستان قوناقتاردى نەسىمەن تاڭعالدىرىپ, نە تابارىك ەتەدى؟ دەمالىستان كەيىنگى العاشقى جۇمىس كۇنى قىسقى ازيا ويىن­دا­رى دايىندىعىنىڭ دۇبىرىمەن جال­عاسىن تاپتى. الماتىدا “7-ءشى قىسقى ازيا ويىندارىن ۇيىمداس­تى­رۋ كوميتەتىنىڭ ات­قارۋشى دي­رەكتسياسى” اق پرەزي­دەنتى ءاناتولى قۇلنازاروۆ پەن “قازاقستان تۋ­ريستىك قاۋ­ىم­داستىعى” زاڭدى تۇل­عالار ءبىر­لەس­تىگىنىڭ (زتب) ءتو­رايىمى را­شيدا شايكەنوۆا ىن­تى­ماق­تاس­تىق پەن ءوزارا ءتۇسىنىس­تىك تۋ­را­لى مەموراندۋمعا قول قويدى. ءاناتولى قۇلنازاروۆتىڭ ايتۋ­ىنشا, مەموراندۋم ەلىمىزگە كەلەتىن تۋريستەر لەگىن قالىپتاستىرۋ ءۇشىن  قىسقى ازيا ويىندارىن ناسيحات­تاۋعا جانە بۇل باعىتتا بىرلەسكەن ءىس-شارالاردى جۇزەگە اسىرۋ ماق­سا­تىندا جاسالىنىپ وتىر. مە­مو­راندۋمعا سايكەس, قازاقستان تۋريس­تىك قاۋىم­داس­تىعى ازيا ويىندارى كەزىندە ەلىمىزگە كەلىپ-كەتەتىن تۋرو­پە­راتورلار مەن تۋريستەرگە كەڭەس بەرۋ, حالىق­ارا­لىق تۋريستىك كور­مە­لەردە ويىنداردى ناسيحاتتاۋ, تۇر­عىندار اراسىندا تۋ­ريستىك مادە­نيەت­تى قالىپتاستىرۋ بوي­ىنشا جۇ­مىس­تار جۇرگىزەدى. ويىن­داردى ۇي­ىم­داستىرۋ ديرەكتسياسى دا ءوز كە­زە­گىندە قاۋىمداستىققا قازاقستان­نىڭ تۋريستىك سالاسىن دامىتۋعا كومەك كورسەتەدى. قالاي دەسەك تە, ازيا ويىندارى قا­زاقستانعا جاڭا مۇمكىندىكتەر تۋدى­راتىنى ءسوزسىز. حالىقارالىق ستان­دارت­تار مەن ءFىSO جانە OCA تالاپ­تا­رىنا ساي سالىنعان سپورت­تىق نى­سا­ن­دار قۇرىلىسى, وتاندىق سپورت­شىلاردىڭ جاڭا بۋىنىن قالىپتاس­تى­رۋعا ار­نالعان بازا قۇرۋ – ءبىزدىڭ ەلى­مىزدە بۇرىن-سوڭدى بولماعان قۇبىلىس. – ويىندارعا مۋلتيپلي­كا­تيۆ­تىك اسەر ءتان ەكەنىن ۇمىتپاۋ قاجەت. ولار قو­عامنىڭ ەكونوميكالىق ءال-اۋقا­تىنا وڭدى ىقپالىن تيگىزەدى. بۇل جەردە تۋريزم سالاسى ماڭىزدى ءرول اتقارادى. قىسقى ازيا ويىن­دارى كەزىندە ەلىمىزگە 10 مىڭ شەت­ەلدىك قوناق كەلەدى دەپ كۇتۋدەمىز. تۋريس­تەرگە ويىندار تۋرالى دۇرىس ناسيحات جۇرگىزىپ, تۇرلى مۇمكىن­دىك­تەر جاساۋ ءۇشىن تۋريستىك قاۋىمداس­تىقپەن ار­نايى مەموراندۋم جاساپ وتىرمىز. مۇن­داي سپورتتىق ءىرى شارالار ەكو­نوميكاعا وڭ اسەرىن تيگىزەدى. وسىدان كەلىپ ويىنداردىڭ تۋريستىك سالانى دامىتۋعا سەرپىن بەرەتىنىن بايقاۋعا بولادى, – دەدى ءاناتولى قۇلنازاروۆ. ءوز كەزەگىندە “قازاقستان تۋ­ريس­تىك قاۋىمداستىعى” زتب-ءنىڭ ءتور­ايى­مى راشيدا شايكەنوۆا العا قوي­ىلعان ماقساتتاردى جۇزەگە اسى­رۋ ءۇشىن قازاقستاننىڭ 9 جەتەكشى تۋ­ريستىك وپەراتورىن تارتۋدى ۇسىندى. – بۇل ءىرى سپورتتىق شارا ەلى­مىزدىڭ تۋريزم سالاسىنىڭ دامۋىنا تۇرتكى بولادى. ماسەلەن, قازىر ءار تۋريستەن 2 مىڭ دوللارعا جۋىق قارجى قالادى. وسىنى ەسەپتەپ كورسەك, ويىنداردىڭ ەكى قالانىڭ بيۋدجەتىنە قانشا پايدا اكەلەتىنىن كورۋگە بولادى. سوندىقتان تۋري­س­تەردى تارتۋعا بۇل ءىس-شارانىڭ وڭ اسەرى تيەدى دەپ ويلايمىن, – دەدى راشيدا شايكەنوۆا. ا.قۇلنازاروۆتىڭ ايتۋىنشا, شەتەلدىكتەر تاراپىنان ازياداعا كەلۋگە قىزىعۋشىلىق جەتكىلىكتى, مۇددەلىلىك تە بار. وسىعان وراي بۇل كۇندەرى سپورتشىلاردى اككرەديتا­تسيا­لاۋ مەن كوناقتاردىڭ دە­لەگا­تسيا­­لارىن تىركەۋ جۇمىستارىن وڭ­اي­لاتۋدىڭ ءتۇرلى شارالارى قولعا الى­نىپ جاتىر. ول قازاقستان تۋ­ريستەر ءۇشىن جاڭا “تۋريستىك ءونىم” بولىپ سانالاتىن­دىعىن, تەك سوڭعى جىلى ەلىمىزگە الەمدىك ەكونو­مي­كالىق رەتسەسسياعا قاراماستان, 4,5 ميلليون تۋريست كە­لىپ-كەتكەنىن العا تارتتى. ال ءداستۇرلى تۋريستىك ەل­دەرگە جولى تۇسەتىندەردىڭ لەگى ايتارلىقتاي ازايىپ وتىرعاندا, بۇل قاپەرگە الار كورسەتكىش بولىپ تا­بىلادى. اق وليمپيادا قازاقستان­نىڭ تۋريستىك ءيميدجىنىڭ قالىپتا­سۋى­نا ايتارلىقتاي سەپتىگىن تيگىزۋى ءتيىس. ۇلتتىق تۋرونىمدەردىڭ تارتىم­دى ەتىپ, تۋريزم سالاسىن جاڭا بە­لەسكە كو­تەرەتىن جانە قازاقستان­نىڭ الەمدىك تۋريستىك رىنوكقا ينتەگراتسيالانۋىنا جول اشاتىن ازيا ويىندارىنا “قازاقستان تۋ­ريستىك قاۋىمداستى­عىنىڭ” تارتى­لىپ وتىرعانى قاي جاعىنان العاندا دا قۇپتارلىق شارا. ال راشيدا شايكەنوۆا جوعا­رىدا اتالعانداي, كوزدەگەن ماقساتقا جەتىپ, تۋريستەردىڭ كوڭىلىنەن شىعۋ ءۇشىن ەلىمىزدەگى: “Complete ءServىce”, “گۋل­نار تۋر”, ء“Arnaى Tour”, “Tu­ran ءAsىa LLP”, “Sky Eagle”, “Sad­mol”, “وتىرار ترەۆەل”, “بيۋرو پۋ­تە­شەستۆي Kompas”, “VDA Com­pa­ny” گلوبۋس سىندى توعىز جەتەكشى تۋر­وپە­راتوردى تارتۋدى ۇسىنىپ وتىر. قىسقى وليمپيادا كەزىندە وڭ­تۇستىك استاناداعى قوناقۇيلەر لىق تولى بولادى, سوندىقتان ولارعا جوعارى ساپالى تۋريستىك قىزمەت تە كورسەتۋ قاجەت. تۋريستەردىڭ سەرۆيس­تىك قىزمەتتى ماقتاپ, تابيعي رەسۋرس­تارىمىزدى تيىسىنشە تاماشالاپ, اس ءمازىرىمىزدى ماقتاپ كەتۋى – الداعى ۋاقىتتا قازاقستانعا كەلىپ-كەتۋ­شى­لەردىڭ مولايۋىنا, قازاقستاندىق تۋ­ريزمنىڭ ءبىز ارمانداعانداي دارە­جە­دە دامۋىنا مىقتى اسەرىن تيگىزبەك. تەك ازيادا اياسىندا الماتىعا 10 مىڭنان استام قوناق كەلەتىنى بولجانىپ وتىرعانىن اتاعانبىز. سول قوناقتاردىڭ سپورتتىق دودا­لار­­دان الار اسەرى ءبىر بولەك, قازاق­ستان دەگەن ەلدەن الارى ءبىر بولەك ەكەن­دىگى ايان. وسى تۇرعىدان كەلگەن­دە, تۋريستەر ءبىزدىڭ ەلدەن ەستەلىككە قانداي تابارىكتەر اكەتەدى, ۇلتتىق سۋۆەنيرلەر جاساۋ ماسەلەسى نەندەي بولىپ جاتىر دەگەن ساۋالعا قۇلنا­زاروۆ مىرزا تومەندەگىدەي مازمۇندا جاۋاپ بەردى. بۇل كۇندەرى ۇلتتىق كادەسىي جا­سايتىن كومپانيالار مەن الماتىدا الاتاۋدى باۋرايلاپ جاتقان شە­بەر­لەر اۋىلىندا ءتۇرلى بۇيىمدار جاسا­لىنۋدا ەكەن. ول بۇيىمدار قا­زاققا ءتان بولمىسپەن بەزەندىرىلىپ, ۇلتتىق ناقىشتاعى بوياۋلارعا مالىنعان. – ماسەلەن, بىزدەر ءۇشىن 100-200 دول­لارلىق كادەسىيلار قىمباتتاۋ كو­رىن­گەنمەن, ساپالى بۇيىمداردى قالتاسى كوتەرەتىن, قۋانا-قۋانا ساتىپ الاتىن قوناقتار جەتكىلىكتى بولادى, – دەدى ءتۋريزمنىڭ ۇڭعىل-شۇڭعىلىن جاقسى بىلەتىن راشيدا شايكەنوۆا حانىم. قىسقاسى, ازيادا قاي جاعىنان الساق تا تاماشا جاڭا مۇمكىندىكتەر مەن ءتۋريزمنىڭ جاڭا كوكجيەگى عانا ەمەس, ەلدىگىمىزگە دە ۇلكەن سىن بولعالى تۇر. ايناش ەسالي. الماتى.

* * *

جاستارىمىز جاراپ تۇر

سەنبى كۇنى وليمپيالىق قالاشىقتاعى قازاقستان دەلەگاتسيا­سىنىڭ شتابىنا پارلامەنت سەناتىنىڭ توراعاسى قاسىم-جومارت توقاەۆتىڭ جاسوسپىرىمدەر وليمپياداسىنىڭ تۇڭعىش چەمپيونى اتانعان جانىبەك قاندىباەۆتىڭ اتىنا قۇتتىقتاۋ حات كەلدى. وندا جاس تالانت يەسىن شىن ءجۇ­رەگىمەن قۇتتىقتاعان سەنات توراعاسى ونىڭ جەڭىسى بارلىق قازاقستان حالقىنىڭ مەرەيىن وسىرگەنىن, وسى جەڭىس ارقىلى ول سپورتتا ۇلكەن تابىسقا جەتىپ, بارشامىزعا ۇلكەن سىيلىق جاساعانىن جەتكىزىپتى. الىستاعى وتانىمىزدان وليمپيادا ءوتىپ جاتقان جەرگە كەلەتىن قۇتتىقتاۋ حاتتار قاي كەزدە بولسىن سپورتشى­لاردى قايراپ, جىگەرلەرىنە جىگەر, مىنەزدەرىنە مىنەز قوسىپ وتىراتىنى بەلگىلى عوي. وسى جولى دا وليمپيا­لىق قالاشىققا قاسىم-جومارت كەمەل ۇلىنىڭ اتىنان حات كەلىپ تۇسكەندە جاسى 20-عا دا تولماعان كەشەگى مەكتەپ پارتاسىندا وتىرىپ, سپورت زالدارىندا جارىستارعا داي­ىن­دالىپ جۇرگەن ءىنى-قارىنداس­تارىمىزدىڭ كوزىنەن ۇشقىن كورىنىپ, كەلەسى جارىستارعا بىلەك سىبانا دايىندالىپ كەتكەندەرىن ءوز كوزى­مىزبەن كوردىك. سول كۇنى ەسكەك ەسۋدە تيموفەي ەمەليانوۆ (وليمپيالىق دايارلاۋ ورتالىعى, استانا) جاڭا قاشىقتىققا جارىسىپ, مەدال ءۇشىن كۇرەسۋ مۇمكىندىگىنە يە بولدى. ال دزيۋدودا 66 كگ. دەيىنگى سالماقتا قاراعاندىلىق قايرات اعىباەۆ ەكى جەكپە-جەك وتكىزىپ, سونىڭ بىرەۋىن جەڭىپ, بەسىنشى ورىندا قالدى. وسىدان كەيىن بوكسشىلار ايقاسى باستالدى. قازاقستان قۇراماسى ساپىنان ءبىرىنشى بولىپ شارشى الاڭعا شىققان شقو وكىلى ادىلەت راقىشەۆ 75 كگ. دەيىنگى سالماقتا ۆەنگرلىك قارسىلاسىنا 1:6 ەسەبىمەن ەسە جىبەرىپ الدى. دەگەنمەن, سپورت­­تىڭ باسقا تۇرلەرىندە وتانداستارىمىز العاشقى ويىندارىن جاقسى باستادى. گاندبولدان قىزدار قۇراماسى 12 تامىز كۇنى دومينيكان رەسپۋبلي­كاسىندا اياقتالعان الەم چەمپيونا­تى­نان سينگاپۋرگە بىردەن كەلىسىمەن, قىزۋى باسىلماعان تەمىردەي اۆسترا­ليا قۇراماسىن 45:16 ەسەبىمەن ويسى­راتا جەڭدى. بىراق كەلەسى ويىنىندا قىزدارىمىز دانيا قۇراماسىمەن كەزدەسىپ, 15:40 ەسەبىمەن جەڭىلىپ قالدى. ال كەشە كەشكىسىن ولار رەسەي كومانداسىمەن وينادى. وسى ماتچتا جەڭگەن كوماندا فينالدا برازيليا مەن دانيا اراسىندا وتەتىن ويىن­نىڭ جەڭىمپازىمەن كەزدەسەدى. ال ۇتىلعان كوماندالار ءۇشىنشى ورىن ءۇشىن تالاسادى. وسى كۇنى قازىرگى بەسسايىستا ال­ما­تىلىق ديليارا ءىلياسوۆا لايىقتى دەڭگەيدە ونەر كورسەتە المادى. ول جارىسقا قاتىسقان 24 سپورتشىنىڭ ىشىنەن 19-شى ورىندا قالدى. كەلەسى كۇنى ات سپورتىنان وتكەن جارىسقا تيمۋر پاتاروۆ شىقتى. مۇندا ول ءوزى­مەن بىرگە باسەكەگە تۇسكەن قارسى­لاس­تارى سياقتى بارلىق كەدەرگىلەر­دەن قينالماي ءوتىپ, مەدال ءۇشىن كۇ­رەسۋ مۇمكىندىگىنە يە بولدى. ەس­كەك ەسۋدەن تيموفەي ەمەليا­نوۆ شيرەك فينالدا رۋمىنيالىق سپورتشىمەن جارىستى. وكىنىشكە قاراي, ونىڭ قايىعى ورتا جولدا تولقىنعا شىداي الماي اۋدارىلىپ قالدى. ونىڭ بۇل جەڭىلىسىنىڭ سەبەبىن كەيىن بىلسەك, سپورتشىلارعا قايىقتى وزدەرى تاڭداپ بەرەتىن ۇيىمداستىرۋ­شىلار ەمەليانوۆقا سالماعى 75 كگ. ادامعا ارنالعان قايىقتى بەرگەن ەكەن. ال تيموفەيدىڭ سالماعى 90 كگ. ەكەنى بەلگىلى. ۇيىمداستىرۋشى­لار­دىڭ وسى جاعىن ەسكەرمەي ءبىزدىڭ سپورت­شىعا وزىنەن جەڭىل ادامعا ارنالعان قايىقتى ۇسىنعانى قىنجىلتادى. دەگەنمەن, قازىر وعان وكىنىپ وتىرعان ەمەليانوۆ جوق. ول ەندى كانوە جارىسىنىڭ باسقا تۇرىنەن باعىمدى سىناپ كورەمىن دەپ بىلەگىن ءتۇرىپ ءجۇر. بوكستان جارىستار ودان ءارى جال­عاسۋدا. قازاقستان قۇراماسىندا ءبىرىنشى كەزدەسۋىندە ۇتىلعان ادىلەت راقىشەۆ ەندى بەسىنشى ورىن ءۇشىن جاسوسپىرىمدەر اراسىنداعى ەكى دۇركىن الەم چەمپيونى, يرلاندىق بوكسشى­مەن قولعاپ تۇيىستىرەدى. جەكسەنبى كۇنى زىلتەمىرشى, وليم­پيا­دانىڭ كۇمىس جۇلدەگەرى زۋلفيا چينشانلو ەلگە اتتاندى. ول الداعى كەزدە ەرەسەكتەر اراسىندا وتەتىن حا­لىقارالىق جارىستارعا دايىندالا­تىن بولادى. ازىرشە قازاقستان قۇراماسى ەكى ال­تىن, ەكى كۇمىس جانە ءبىر قولا مە­دالمەن جالپى كوماندالىق ەسەپتە 205 ەلدىڭ اراسىندا 8-ءشى ورىندا كە­لەدى. بۇل جاسوسپىرىمدەر ءۇشىن جامان كورسەتكىش ەمەس. ءبىزدىڭ سپورتشىلار ىشىنەن گرەك-ريم كۇرەسىنەن جانىبەك قاندىباەۆ پەن اۋىر اتلەتيكادان جازيرا جاپپارعۇل التىن مەدالدى يەلەنسە, تاەكۆوندوشى نۇرسۇلتان ما­­ماەۆ پەن زىلتەمىرشى زۋلفيا چين­شان­لو كۇمىس جۇلدەنى, ال قولا مە­دالدى اۋىر اتلەتيكادان رۇستەم سى­بايدىڭ ەنشىلەگەنى بەلگىلى. سوڭ­عىسى بوكسشى رۋستام سىباەۆ­تىڭ تۋعان ءىنىسى. ارداق توعىموۆ, ارنايى “ەگەمەن قازاقستان” ءۇشىن – سينگاپۋردەن.

* * *

بالۋان شولاق اتىنداعى سپورت سارايى

الماتى. اباي داڭعىلى, 44 سونىمەن, كۇن ساناپ جاقىنداي تۇسكەن 2011 جىلعى ءVىى قىسقى ازيا ويىندارى باعدار­لاماسىنىڭ باسىم بولىگى الماتىدا وتپەكشى. سپورتتىق جارىستاردىڭ 8 ءتۇرى وڭتۇستىك استانانىڭ ەنشىسىندە. بۇلار – شاڭعى جارىس­تارى, بياتلون, تاۋ شاڭ­عى­سى, سپورتتىق فريس­تايل, تۇعىردان شاڭعى­مەن سەكىرۋ, ايەلدەر ارا­سىنداعى شايبالى حوك­كەي جانە قازاقستان ءوزى­نىڭ قوجايىندىق قۇ­زى­رىمەن قوسقان دوپتى حوك­كەي (بەندي) مەن شاڭ­عىداعى سپورتتىق باعدارلاۋ. استانا مەن الما­تىنى قاتار قامتيتىن قىسقى ازيادا بۇرىن-سوڭدى قازاقستاندا ءوتىپ جۇرگەن جارىستاردىڭ ەڭ اۋقىمدىسى ەكەنىن تاعى ءبىر رەت قاپەرگە سالىپ قوي­عان ارتىق بولماس. اي­ماڭ­داي قوس قالامىزعا وتىز ەل­دەن 1100-دەن استام سپورت­شى, 600-گە قارايلاس رەسمي ادامدار مەن قۇرمەتتى قو­ناق­تار, 1000-عا جۋىق باق وكىلدەرى, سونداي-اق بىرنەشە مىڭ تۋريست ات باسىن تىرەي­دى دەپ كۇتىلۋدە. سونىمەن قا­تار ويىنداردى وتكىزۋ اياسىندا 45 ازيالىق ەلدىڭ سپورتتىق قوزعالىستارىنىڭ باسشىلارى قاتىساتىن ازيا وليمپيالىق كەڭە­سىنىڭ كەزەكتى باس اسسامبلەيا­سى باس قوسپاق. الماتىدا وسىناۋ ايتۋ­لى جارىستار كەزىندە 2500 ەرىكتىنى جۇمىسقا تارتۋ كوز­دەلگەن. بۇگىندە سولاردىڭ 2300-دەن استامى رەسمي ءتىر­كەۋدەن ءوتىپ, قىركۇيەكتە جان-جاقتى دايىن­دىق­قا كىرىسپەكشى. ازيا ويىندارىنىڭ باسەكەلىك رۋحىنا ساي مۇز بەن جالىن تايتالاسقان قار ۇلپاسى جانە تولاسسىز قوزعالىستى بەينەلەيتىن كوشپەندى ارباسىنىڭ دوڭعالاعى تۇرىندەگى ەمبلەماسى بەكىتىلدى. ونىڭ وڭ جاق جوعا­رىسىنداعى ساۋلە شاشقان كۇن بارلىق سپورتشى قاۋىمنىڭ ىنتىماق-بىرلىگىن بەينەلەيدى. ازيادا الاۋىنىڭ 2011 جىلدىڭ 12 قاڭتا­رىندا الماتىعا جەتكىزىلۋىنىڭ ءوزى دە ءراسىمدى قۋانىشتى مەرەكە بولماق. الاۋ سالتاناتپەن قارسى الىنعاننان كەيىن كوشەلەردە ەستا­فە­تالاتىپ ءجۇرىپ ءوتىپ, سودان سوڭ ايماقتارعا اتتا­نىپ كەتەدى. ازيادانىڭ الماتىلىق بولىگىندە ەل نازارى بالۋان شولاق اتىنداعى سپورت سارايىنا كو­بى­رەك اۋماق. سەبەبى, مۇندا شايبالى حوككەيدەن ايەلدەر اراسىنداعى جارىس جالاۋى جەلبى­رەۋ­مەن بىرگە ءVىى قىسقى ازيا ويىندارىنىڭ جابىلۋ سالتاناتى دا وتپەك. وسىناۋ ماڭىزى زور ءراسىمدى وتكىزۋ ءۇشىن ەڭ لايىقتى تاڭداۋلى ورىن رەتىندە “ەلۋ ءبىر پۇت كىردىڭ تاسىن كوتەرگەن”, قازاقتىڭ حالىقتىق سپورتىنىڭ كوش باسىندا تۇرعان بالۋان اتامىز اتىنداعى كوز قۋاندىرا جاڭالانعان, كوركەيگەن, كەڭەيگەن سپورت سارايىنىڭ تاڭدالىپ الىنعاندىعى دا ءسۇيىنىشتى جايلاردىڭ ءبىرى دەر ەدىك. مۇنداي شەشىمنىڭ وتكەن شىلدە ايىنىڭ جەتىنشى جۇلدىزىندا كەشەندى عيماراتقا ەلباسىمىز نۇرسۇلتان نازارباەۆ ارنايى كەلىپ, ارالاپ كورگەننەن كەيىن بەكەم ناقتىلىقپەن تۇجىرىم تابۋى الماتى جۇرتشىلىعىنىڭ اسقاق كوڭىلىن ودان ءارى وسىرە ورلەتىپ, مەرەيلەندىرە تۇسكەن ەدى. وسى رەتتەگى جۇمىستار جايىندا بالۋان شولاق اتىنداعى سپورت سارايىنىڭ ديرەكتورى يۋري زاحارين بىلايشا اڭگىمەلەيدى: – سپورت سارايىنىڭ بۇرىن قانداي بولعاندىعىن سىزدەر بىلەسىزدەر. قازىرگى كەلبەت-كەسكىنىن, مىنەكي, كورىپ تۇرسىزدار. ايىرما جەر مەن كوكتەي. ەڭ الدىمەن, سپورت سارايىن قاي­تادان جاڭارتىپ سالۋ جايىنا كەلەر بولساق, مۇن­دا ءارى سپورتتىق, ءارى مادەني تۇرعىداعى بار­لىق شارالاردى وتكىزۋگە بولارلىقتاي جاع­دايلار تۇگەل ەسكەرىلدى. كومەكشى ورىنجايلاردى كەڭەيتۋگە باسا كوڭىل ءبولىنىپ, سونىڭ ءناتي­جەسىندە ولاردىڭ جالپى اۋدانى 10 مىڭ شارشى مەترگە ۇلعايتىلدى. بۇل دەگە­نىڭىز كيىم اۋىستىراتىن جەرلەر, سپورت زالدارى, باس­پاسوز ورتالىعى جانە باس­قا­لار. سونداي-اق مىنبەردىڭ وتىرعىشتارى اۋىستى­رى­لىپ, ونداعى كورەرمەندەر­دىڭ ورىن سانى ايتارلىقتاي كوبەيدى. بۇرىن 3800 ورىن بولسا, ەندى 5 مىڭ بولماق. قازىر وتىرعىشتاردى ورناتۋ جۇمىستارى ءجۇرىپ جاتىر. الداعى اپتادا وسى جۇمىس تو­لىق اياقتالعان كەزدە ور­ىننىڭ ناقپا-ناق ءدال سا­نىن دا ايتىپ بەرە الامىز. ەگەر بۇرىن مىنبەردىڭ جايلىلىعى تالاپقا ساي كەلمەسە, وتىرعىشتار تار بولسا, ەندى ول جاعىنان ەشكىم سىن تاعا المايدى. سپورت سارايىنىڭ جالپى اۋدانى 22 مىڭ شارشى مەتر دەسەك, ونىڭ 2000 شاشى مەترىن نەگىزگى ارەنا الىپ جاتىر. نەگىزگى ارەنادان باسقا كومەكشى ورىنجايلارعا توقتالار بولساق, ولار – جوعارىدا ايتقانىمىزعا قوسا, دۋشقا تۇسەتىن جايلار, ساۋنالار, جاتتىعۋ زالى, حورەوگرافيالىق زال, تورەشىلەر بولمەلەرى, جۋرناليستەرگە, مۇگەدەكتەرگە ارنالعان ورىندار, ت.ب. وسىنىڭ ءبارى سپورت سارايىن قايتا جوندەۋ كەزىندە اۋەل باستان مۇقيات ويلاستىرىلدى. قازىرگى ۋاقىتتا رەكونسترۋكتسيا مارەگە جەتىپ قالدى. ياعني, وسى ايدىڭ اياعىنا دەيىن ءبىز قالعان جۇمىستاردىڭ بارلىعىن اياقتاۋعا ءتيىسپىز. قازىر الىنعان جاڭا جابدىقتاردى رەتتەستىرىپ, قۇراستىرىپ, ورناتۋ قولعا الىندى. تابلو, جارىق, دىبىس. ءبارى تالاپ دەڭگەيىندە. جالپى جۇمىس بارىسىندا ەشقانداي قي­ىنشىلىق تۋىنداپ كورگەن جوق. قارجى­لاندىرۋ كوزدەلگەن كولەمدە ءجۇرىپ تۇردى. ءبىرىنشى كە­زەكتەگى 14,5 ميلليارد تەڭگە يگەرىلىپ, ءىس جۇزىندە جۇمىس جەرىنە جەتكىزىلدى. كەشەننىڭ ەكىنشى كەزەگى – جابىق جاتتىعۋ مۇز ايدىنى مەن 650 ماشينەگە لايىقتالعان 7 قاباتتى پاركينگتىڭ قۇرىلىسى بۇل كۇندەردە قارقىن الا ءتۇستى. مۇنىڭ ءبارىن جەلتوقسان ايىنا دەيىن اياقتاۋعا ءتيىسپىز. جۇمىستى “الماتى” قۇرىلىس-مونتاج كاسىپورنى ءوز مويىنىنا الىپ, اتقارۋدا. كۇن سايىن 800-گە دەيىن ادام ەڭبەك ەتەدى. ارينە, جۇمىس اۋقىمى كۇندەلىكتى وزگەرىپ تۇرادى. جۇمىس قولى جەتكىلىكتى. ماتەريالدار ۋاقتىلى كەلىپ تۇسۋدە. سوندىقتان, كىدىرىس, بوگەسىن جوق. تەحنولوگيا تۇرعىسىنداعى جابدىقتاردى دا تۇگەل الىپ بولعانبىز. سپورت سارايىنىڭ كەلبەت-كوركى تاماشا. قاسبەتى دە, جالپى قاي جاعىنان قاراساڭىز دا جارقىراپ, ەڭسەلەنىپ كورىنەدى. ىشكى جايلارى دا عاجاپ, زاماناۋي ءۇردىس-ۇلگىگە ابدەن ساي. فويەسى, كيىم ىلەتىن ورىندار ايناداي جالتىراپ, جايناپ تۇر. بىلايشا ايتقاندا, بۇل ساراي ءام­بەباپ سپورتتىق عيماراتقا جاتا­دى. سپورتتىڭ بارلىق تۇرلەرىنەن دەرلىك جارىس وتكىزۋگە بولادى. قىسقى تۇرلەرىن الساق: حوككەي, مانەرلەپ سىرعاناۋ, شورت-ترەك, ودان قالا بەردى: بوكس, كۇرەس, ۆولەيبول, باسكەتبول, ت.ب. قالا باسشىلىعى, سپورت باس­قارماسى سپورت سارايىنىڭ جا­ڭا­لانىپ سالىنۋىنا كوپ كۇش-جىگەر جۇمساۋدا. ويىنداردىڭ وسىندا وتەتىن جابىلۋ سالتاناتىنىڭ ستسە­ناريىن دە وسى باستان ازىرلەپ, ول ءۇشىن نە قاجەتتىڭ ءبارىن جا­ساۋى­مىز كەرەك. بالۋان شولاق اتىنداعى سپورت سارايىنىڭ باس ينجەنەرى ەسكەندىر زۋلۋفوۆ: ء–يا, مىنە, ءوزىڭىز كورىپ تۇر­سىز, بالۋان شولاق اتامىز ات­ىن­داعى سپورت كەشەنىنىڭ تۇتاستاي بەي­نەسى تانىماستاي وزگەردى. وسى زاماندىق عاجايىپ جاڭا تۇرگە ەندى. مۇندا ىسكە قوسىلعان بارلىق تەحنولوگيا دا وسى زاماندىق, الەمدىك وزىق دەڭگەيدە. رەس­پۋبليكامىزدا عانا ەمەس, دۇنيە ءجۇزىنىڭ باسقا ەلدەرىمەن سالىستىرعاندا دا سيرەك كەزدەسەتىن جاعداي. جارىقتى مۋزىكا, جارىقتاندىرۋدىڭ الۋان ءتۇرلى تەتىكتەرى, سپورتتىق ويىنداردىڭ ۇدەسىنە ورايلاسۋ, تەلەحابار تاراتۋعا وڭتاي­لىلىق جانە باسقالارى وسىنداي جۇمىستاردىڭ سوڭعى تەحنولوگيالىق نۇسقاسىنا نەگىزدەلگەن. بۇلار ءاۋ باستان وسىلاي ويلاستىرىلعان. مۇنىڭ جوسپارى تۋريزم جانە سپورت مي­نيسترلىگى دەڭگەيىندە بەكىتىلدى. جالپى, ازياداعا دايىندىق ورايىندا ءبىزدىڭ قالا بويىنشا كوپ جۇمىستار تىندىرىلدى. ءبىر جاعىنان, بۇل ءوزى قالاداعى بىردەن-ءبىر وسىنداي جالعىز جەر. بالالار مەن جاستار كونكيدى قايدا تەپپەك وسى سپورت سارايى بولماسا؟ بۇل, ەندى, تۇراقتى پاي­دالانۋىمىزعا, ءوز يگى­لىگىمىزگە قالادى ەمەس پە. قاسىندا 2500 كو­رەر­مەن ورىندىق جا­بىق ستاديون سالىنىپ جاتىر. وسىنىڭ ءبارى بو­لاشاعىمىز ءۇشىن جا­سالىپ, حالىققا ارنال­عان. بۇل – وتە جاقسى, ىزگىلىكتى ءىس. سەبەبى, سپورت ارقاشان جەڭىپ شىعادى. جاستار مەن بالالا­رى­مىزدىڭ جان­سەرىگى سپورت بولسا, ەلىمىز ۇتىل­ماي­دى. ادامنىڭ جاسى سپورتپەن ۇزارا ءتۇس­­پەك. الماتى وس­ىن­داي اسا كورىكتى عي­ماراتتى سىي­لىق­قا الماق. از عانا جۇمىس قالدى. ازياداعا ۋا­قىتىنان بۇرىن داي­ىن بولامىز. قىر­كۇيەكتەن باس­تاپ مۇندا جارىس­تار وتكىزە باستاي­مىز. اۋەلى دزيۋدو­شى­لاردى, سوسىن بەس جۇپ كاسىپقوي بوكس ساڭلاقتارىن قا­بىلدايمىز. قىس­قاسى, ارە­نا­مىز كەز-كەلگەن جا­رىس ءتۇرىن ءوت­كى­زۋ­گە ءازىر. تەحنولو­گيا­لىق ور­ىنجايلاردى, ءما­جى­لىس زالىن, باس­پا­سوز ورتالىعىن, كۇل­لى مەديتسينا, ەسىرتكى تەكسەرۋ وتكەلەگى, تاعى باسقالارىن قوسىپ العاندا, الداعى ازيا ويىندارى سياقتى ءىرى اۋقىمدى, مارتەبەلى جارىستى جوعارى دەڭگەيدە وتكىزۋ ءۇشىن نە قاجەتتىڭ ءبارى قاراستىرىلعان, بارلىق كەرەكتى نارسەلەر ساقاداي-ساي ۇيىمداستىرىلعان. ەڭ باستىسى, سپورت سارايىمىز قاي جاعىنان ال­عاندا دا ساپالى ءارى كوز تارتارلىقتاي كورىكتى ەتىپ سالىندى. ءيا, ءوز ءىسىنىڭ بىلگىر مامانى ەسكەندىر وس­مان ۇلى ايتسا ايتقانداي, بالۋان اتامىز اتىنداعى سپورت سارايىنىڭ كورىك-كەلبەتىنە كوز تويعانداي. ال, وعان قوسىمشا, ازيادانىڭ جابىلۋ سالتاناتىنىڭ وسىندا ءوتۋى اتاقتى سارايدىڭ مارتەبەسىن ودان ءارى اسىرىپ, كورەر كوزگە سۇيكىمدىلىگىن دە ارتتىرا تۇسكەندەي. P.S. ءسوز سوڭىندا ءبىر عانا جايدى ەسكەرت­كىمىز كەلەدى. قاستەرلى ەسىمدى الا تۇرسا دا, سپورت سارايىندا الدە دە بولسا بالۋان شولاقتىڭ ءوزى ۇمىت قالدىرىلعان سياقتى. مۇندا كەلەتىن كورەرمەن جۇرتشىلىققا, الەمنىڭ ءار ەلىنەن توقايلاساتىن سپورتشى قاۋىم مەن قىزىعۋشى تۋريستەرگە بالۋان شولاقتىڭ كىم ەكەندىگىنەن ماعلۇمات بەرەرلىك ماسەلەلەر وسى باستان ەسكە­رىلىپ, قولعا الىنۋى كەرەك-اق. فويەنىڭ كور­نەكتى جەرىنە ۇلتتىق ءان ونەرىنىڭ عانا ەمەس, ۇلتتىق سپورتىمىزدىڭ دا ۇلى تۇلعاسىنىڭ بەينەسى سالىنىپ, ايتپەسە پورترەتى ءىلىنىپ, بالۋان اتامىز تۋرالى بۋكلەت شىعارىلسا, تىپتەن, مۋزەي سيپاتتاس ءبىر بۇرىش ۇيىمداس­تىرىلسا, قۇبا-قۇپ دەر ەدىك. ال, بالۋان شو­لاقتىڭ ارۋاعى الداعى ازيادادا ءبىزدىڭ سپورت­شىلاردى قولدايتىنى, ەسىمى ەل مەرەيىن اسىرۋ­عا قىزمەت ەتەرى كامىل دەي بەرىڭىز. قورعانبەك امانجول. الماتى. ---------------------------------- سۋرەتتەردى تۇسىرگەن بەرسىنبەك سارسەنوۆ.