20 تامىزدا ەقىۇ-نىڭ ءىس باسىنداعى توراعاسى, قازاقستان رەسپۋبليكاسىنىڭ مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ ليتۆا رەسپۋبليكاسىنىڭ سىرتقى ىستەر ءمينيسترى اۋدرونيۋس ادجۋباليسپەن تەلەفون ارقىلى سويلەستى, دەپ حابارلادى قازاقستان رەسپۋبليكاسى سىرتقى ىستەر مينيسترلىگىنىڭ ءباسپاسوز قىزمەتى.
ەكى ەلدىڭ سىرتقى ساياسي مەكەمەلەرىنىڭ باسشىلارى جەلتوقسان ايىندا استانادا جوسپارلانعان ەقىۇ ءسامميتىنىڭ كۇن ءتارتىبىن ويلاستىرۋ ماسەلەسىن جانە استانا مەن ۆيلنيۋس اراسىنداعى ەقىۇ-نىڭ “ۇشتىك” شەڭبەرىندەگى ىنتىماقتاستىق بارىسىن تالقىلادى. ۇيىمنىڭ كەڭ اۋقىمدى كەڭىستىگىندەگى قاۋىپسىزدىك پەن ىنتىماقتاستىعىن جانە ۇيىم تاريحىنىڭ جاڭا بەتىن اشۋعا باعىتتالعان ءسامميتتىڭ دايىندىعىن ەگجەي-تەگجەيلى قاراستىرۋ ماڭىزدىلىعىن اتاپ ءوتتى.
سونداي-اق, ق.ساۋداباەۆ پەن ا.ادجۋباليس قازاقستان-ليتۆا ەكىجاقتى قارىم-قاتىناسىنىڭ قازىرگى جاعدايى مەن بولاشاعى جونىندە پىكىر الماستى.