14 اقپاندا قازاقستان بويىنشا, سونىڭ ىشىندە الماتى مەن شىمكەنت قالالارىندا جانە 14 وڭىردە داۋىلدى ەسكەرتۋ جاريالاندى. سينوپتيكتەردىڭ مالىمەتىنشە ەل بويىنشا قار, جاڭبىر, بوران, كوكتايعاق جانە تۇمان كۇتىلەدى. ەلدىڭ شىعىسىندا قولايسىز مەتەورولوگيالىق جاعداي ساقتالادى, دەپ حابارلايدى Egemen.kz «قازگيدرومەتكە» سىلتەمە جاساپ.
سولتۇستىك قازاقستان وبلىسىنىڭ باتىسىندا تۇمان كۇتىلەدى. وڭتۇستىك-باتىستان سوعاتىن جەلدىڭ ەكپىنى باتىستا, سولتۇستىكتە جانە وڭتۇستىكتە سەكۋندىنا 15-20 مەترگە دەيىن جەتەدى. پەتروپاۆل قالاسىندا دا جەلدىڭ ەكپىنى سەكۋندىنا 15-20 مەتر بولادى.
قوستاناي وبلىسى باتىسىندا, سولتۇستىگىندە جانە شىعىسىندا تۇمان بولجانادى.
پاۆلودار وبلىسى باتىسىندا, سولتۇستىگىندە جانە شىعىسىندا تۇمان كۇتىلەدى.
شىعىس قازاقستان وبلىسى سولتۇستىگى مەن وڭتۇستىگىندە تۇمان بولادى. وسكەمەن جانە ريددەر قالالارىندا ەكىنشى دارەجەلى قولايسىز مەتەورولوگيالىق جاعداي (قمج) تۋرالى ەسكەرتۋ ساقتالادى.
اباي وبلىسى اۋماعىندا تۇمان كۇتىلەدى. سەمەي قالاسىندا دا ەكىنشى دارەجەلى قولايسىز مەتەورولوگيالىق جاعداي كۇشىندە.
الماتى وبلىسى تاۋلى اۋداندارىندا كۇندىز كەي ۋاقىتتا قالىڭ قار جاۋادى. تۇندە سولتۇستىكتە, وڭتۇستىكتە جانە تاۋلى ايماقتاردا, كۇندىز كوكتايعاق بولادى. قوناەۆ پەن الماتىدا كەي ۋاقىتتا تۇمان مەن كوكتايعاق كۇتىلەدى.
جەتىسۋ وبلىسى سولتۇستىگى مەن ورتالىعىندا كۇندىز جولداردا كوكتايعاق بولادى. تالدىقورعان قالاسىندا دا جولداردا كوكتايعاق كۇتىلەدى. الاكول كولدەرى ماڭىندا جەل ەكپىنى سەكۋندىنا 25 مەترگە دەيىن جەتۋى مۇمكىن.
جامبىل وبلىسى وڭتۇستىگىندە, سولتۇستىگىندە جانە تاۋلى اۋداندارىندا كوكتايعاق, كەي ۋاقىتتا تۇمان بولجانادى. تاراز قالاسىندا دا تۇمان مەن كوكتايعاق كۇتىلەدى.
تۇركىستان وبلىسى اۋماعىندا جاۋىن-شاشىن (جاڭبىر, قار), تۇندە جانە تاڭەرتەڭ وڭتۇستىگى مەن تاۋلى اۋداندارىندا قالىڭ جاۋىن-شاشىن, كوكتايعاق بولادى. تۇركىستان مەن شىمكەنتتە تۇمان كۇتىلەدى.
قىزىلوردا وبلىسى وڭتۇستىگى مەن ورتالىعىندا تۇمان بولادى. قىزىلوردا قالاسىندا دا كەي ۋاقىتتا تۇمان تۇسەدى.
اقتوبە وبلىسى سولتۇستىگىندە, شىعىسىندا جانە ورتالىعىندا تۇندە جانە تاڭەرتەڭ تۇمان كۇتىلەدى. مۇعالجار اۋدانىندا تومەنگى بوران بولۋى مۇمكىن.
باتىس قازاقستان وبلىسى باتىسىندا, سولتۇستىگىندە جانە شىعىسىندا تۇمان بولجانادى. ورال قالاسىندا دا تۇندە جانە تاڭەرتەڭ تۇمان كۇتىلەدى.
اتىراۋ وبلىسى باتىسىندا, سولتۇستىگىندە جانە وڭتۇستىگىندە تۇمان بولادى. كەي جەرلەردە شاڭدى داۋىل سوعادى. اتىراۋ قالاسىندا دا تۇندە جانە تاڭەرتەڭ تۇمان كۇتىلەدى.
ماڭعىستاۋ وبلىسى باتىسىندا, سولتۇستىگىندە جانە ورتالىعىندا تۇمان بولجانادى. جەل ەكپىنى سەكۋندىنا 15-20 مەترگە دەيىن جەتەدى.