قازاقستاندا مۇناي ىزدەۋ گەوگرافياسى كەڭەيۋى مۇمكىن. بۇل تۋرالى ورتالىق كوممۋنيكاتسيالار قىزمەتىندەگى بريفينگتە ونەركاسىپ جانە قۇرىلىس مينيسترلىگىنىڭ گەولوگيا كوميتەتى توراعاسىنىڭ مىندەتىن اتقارۋشى قانات ەرۋباەۆ مالىمدەدى, دەپ حابارلايدى Egemen.kz.
بريفينگ بارىسىندا جۋرناليستەر جانگەلدين اۋدانىندا مۇناي تابىلعانى تۋرالى اقپاراتقا قاتىستى سۇراق قويدى.
«مۇنايدى تابۋ ءۇشىن الدىمەن پەرسپەكتيۆالىق تۇزاقتاردى انىقتاۋ قاجەت. بۇل – كۇردەلى جۇمىس, بىراق ونى جۇرگىزۋ مىندەت. بىزدەگى سولتۇستىك تورعاي شوگىندى باسسەينى وتە اۋقىمدى. ونىڭ سولتۇستىك بولىگىندە كورشى ەل مۇناي مەن گاز ءوندىرىپ جاتىر. سوندىقتان وسىنداي نىسانداردى انىقتاۋعا مۇمكىندىك جەتكىلىكتى. وسىعان بايلانىستى قوستاناي وبلىسى اۋماعىندا سەيسميكالىق بارلاۋ جۇمىستارىن جوسپارلاپ وتىرمىز», دەدى قانات ەرۋباەۆ.
ونىڭ ايتۋىنشا, بارلاۋ جۇمىستارى 2026 جىلى باستالىپ, 3 جىل ىشىندە اياقتالۋى ءتيىس.
2025 جىلى قازاقستان الەم ەلدەرىنە قانشا توننا مۇناي ساتتى؟
مۇناي ءوندىرىسى نەگىزىنەن باتىس وڭىرلەردە شوعىرلانعان. ءىرى كەن ورىندارى مەن نەگىزگى ينفراقۇرىلىم اتىراۋ, ماڭعىستاۋ, باتىس قازاقستان, اقتوبە وبلىستارىندا ورنالاسقان. قىزىلوردا وبلىسىندا دا از كولەمدە ءوندىرىس بار.
مۇناي قورى بويىنشا توپ-15 ەل: قازاقستان قاتاردا بار ما؟
جۋىردا ۇكىمەتتىڭ كەڭەيتىلگەن وتىرىسىندا مەملەكەت باسشىسى «قازاقستان جىلىنا شامامەن 100 ميلليون توننا مۇناي وندىرەدى, الايدا سونىڭ تەك 18 ميلليون تونناسىن عانا ءوزىمىز وڭدەيمىز», دەپ, سۇرانىستىڭ ارتۋىن ەسكەرە وتىرىپ, ۇكىمەتكە قولدانىستاعى مۇناي وڭدەۋ زاۋىتتارىن جاڭعىرتۋدى جەدەلدەتىپ, جاڭا زاۋىت سالۋ جونىندە شەشىم قابىلداۋدى تاپسىرعانى ءمالىم.
مەملەكەت باسشىسى ۇكىمەتكە ەلدەگى مۇناي وڭدەۋ زاۋىتتارىن جەدەل جاڭعىرتۋدى تاپسىردى