الماتىدا قالانىڭ ءسانىن اسىرعان ادەمى مۇرالدار جەتكىلىكتى بولسا دا, زامانا بۇلب ۇلى, قايتالانباس دارىن, كسرو حالىق ءارتىسى, اتى اڭىزعا اينالعان ءانشى روزا باعلانوۆاعا ارنالعان مۇرال مەگاپوليسكە ەرەكشە ءار بەرىپ تۇر.
ءومىرىنىڭ سوڭعى جىلدارىندا ءانشى تۇرعان ءۇيدىڭ كوركىن كەلتىرىپ تۇرعان بۇل سۋرەتتىڭ ماڭىزدىلىعى دا سوندا, كوركەم نىسان تۇرعىنداردىڭ اكىمدىككە جاساعان ءوتىنىشىنىڭ ارقاسىندا ىسكە اسقانىن ايتا كەتۋ كەرەك.
ءبىرتۋار ونەر يەسىنە دەگەن قۇرمەت پەن تاعزىم سىندى تۋىندىنى جۇزەگە اسىرۋ جۇمىسىنا روزا باعلانوۆانىڭ كەلىنى مارال باعلانوۆا دا قاتىسقان. ءانشى ونەرىن باعالاۋشى زيالى قاۋىم جوبانى جۇزەگە اسىرعان ازاماتتارعا العىس ءبىلدىرىپ وتىر.
وسىلايشا, حالىق ءارتىسىنىڭ جارقىن بەينەسى ەندى ەل جادىندا ءارى ۇلتتىق ونەر تاريحىندا عانا ەمەس, الماتى قالاسىنىڭ ساۋلەتتىك كەلبەتىندە دە ماڭگىلىككە ساقتالماق.
مۇرالدى ءانشى عۇمىرىنىڭ سوڭعى جىلدارىنىڭ كۋاسى بولعان «سامال-3» شاعىناۋدانىنداعى 21-ءۇيدىڭ قابىرعاسىنان كورۋگە بولادى. الماتى