ۇرپاق قاۋىپسىزدىگى – باستى نازاردا

وبلىستىق ءبىلىم باسقار­ماسى­نىڭ مالىمەتىن­شە, اتا-انا قام­قور­لى­عىن­سىز قالعان, سونداي-اق جاع­دايى تومەن وتباسىلاردىڭ بالا­لارى مەن دارىندى وقۋشى­لار­­دى ساۋىقتىرۋعا جەرگىلىكتى بيۋد­جەت قورىنان 300 ملن تەڭگە قاراستى­رىلعان. مۇنىڭ سىرتىندا, 2 634 بالانى جازعى دەمالىسپەن قامتا­ما­سىز ەتۋگە جالپىعا بىردەي مىن­دەتتى ءبىلىم قورى ەسەبىنەن 175 ملن تەڭگە كوزدەلىپ وتىر. قازىردىڭ وزىندە بارلىق كونكۋرستىق ءرəسىم اياقتالىپ, كەلىسىمشارتتار جاسالىپ قويعان.

ينتەرناتتا تاربيەلەنىپ جات­قان بالالار دا نازاردان تىس قالمايدى. اتالعان مەكەمەلەر­دە ءبىلىم الىپ جاتقان 445 بالا جازعى دەمالىسىن قالا سىرتىندا ورنالاسقان 3 لاگەردە وتكىزەدى. بالالاردىڭ جازعى ماۋسىمىن تالاپقا ساي ۇيىمداستىرۋ, قاۋىپسىزدىك شارالارىن ساق­تاۋ ماسەلەسىندە وبلىستىق ءبى­لىم باسقارماسىمەن قاتار, لاگەر ورنالاسقان اۋماقتىڭ اكىمدىكتەرگە دە جاۋاپكەرشىلىك جۇكتەلىپ وتىر.

ءبىلىم باسقارماسىنىڭ باسشىسى ايمان ىبىراەۆانىڭ ايتۋىنشا, ورماندى القاپتاردا ورنالاسقان 9 لاگەردە ۇيالى بايلانىس ناشار. بۇل توتەنشە جاعداي كەزىندە جەدەل əرەكەت ەتۋگە كەدەرگى كەلتىرەدى. اتالعان دەمالىس ورىندارىنا ساپالى بايلانىس ورناتۋ ماقساتىندا ءبىلىم باسقارماسى «Starlink» سپۋت­نيك­تىك ينتەرنەت جابدىقتارىن ساتىپ الۋدى قاراستىرىپ جاتىر. وعان شامامەن 7 ملن تەڭگە بولىنەدى.

بالالاردىڭ جازعى دەمالىسىن ۇيىمداس­تىرۋعا بىرقاتار ءىرى كاسىپورىندار دا اتسالىسادى. مىسالى, قوستانايداعى «الليۋر» اۆتوزاۋىتى مەڭدىقارا اۋدانىندا ءبىرتالاي جىلدان بەرى قاراۋسىز تۇرعان بۇرىنعى «سولنەچنىي» بالالار لاگەرىن قايتا قالپىنا كەلتىرۋگە نيەت­تە­نىپ وتىر. كاسىپورىن كوپ كەشىك­تىر­مەي قۇرىلىس جۇمىستارىن قولعا الماق. دەمالىس ورنى كۇر­دەلى جوندەۋدەن وتكەن سوڭ, جىل ون ەكى اي بويى جۇمىس ىستەي­تىن كوممەرتسيالىق بالالار لاگەرىنە اينالادى.

بالالار لاگەرلەرىندە 4 مىڭ­نان استام تاربيەشى مەن ۆولونتەر جۇمىس ىستەيدى. وقۋشىلاردىڭ دەمالىس ماۋسىمىندا قاۋىپ­سىزدىك ماسەلەسىنە باسا ءمان بەرىلەدى. «قاۋىپسىز ايماق» جوباسى اياسىندا وزەن-كولدەرگە جاقىن ورنالاسقان لاگەرلەردە ارنايى ماماندار بالالارعا قاۋىپسىزدىك ەرەجەلەرىن ۇيرەتەدى.

قوستاناي وبلىسى