بۇگىن, 13 اقپان كۇنى اقتاۋ قالاسىندا ماڭعىستاۋ وبلىسىنىڭ اكىمى نۇرداۋلەت قيلىبايدىڭ قاتىسۋىمەن جىلىنا 100 مىڭ شاقىرتۋعا قىزمەت كورسەتە الاتىن, زاماناۋ ۇلگىدەگى ماڭعىستاۋ وبلىستىق جەدەل جانە شۇعىل مەديتسينالىق جاردەم ستانتسياسىنىڭ عيماراتىنىڭ اشىلۋ سالتاناتى ءوتتى, دەپ حابارلايدى Egemen.kz.
سالتاناتتى شاراعا باس پروكۋروردىڭ ورىنباسارى عابيت سادىربەكوۆ, دەنساۋلىق ساقتاۋ ۆيتسە-ءمينيسترى تيمۋر مۇراتوۆ, مەملەكەتتىك ورگانداردىڭ وكىلدەرى, مەديتسينا سالاسىنىڭ ارداگەرلەرى مەن ءوڭىر دارىگەرلەرى قاتىستى.سالتاناتتى جيىندا وبلىس اكىمى جينالعانداردى قۇتتىقتاپ, جاڭا نىساننىڭ ءوڭىر ءۇشىن ماڭىزدىلىعىنا توقتالدى.
«الەۋمەتتىك نىسان مەملەكەت باسشىسى قاسىم جومارت توقاەۆتىڭ تاپسىرماسىنا سايكەس, باس پروكۋراتۋرا قايتارعان اكتيۆتەر ەسەبىنەن جانە دەنساۋلىق ساقتاۋ مينيسترلىگىنىڭ قولداۋىمەن سالىندى. بۇل – ماڭعىستاۋ جۇرتشىلىعى ءۇشىن ۇلكەن قۋانىش. جاڭا عيمارات جەدەل مەديتسينالىق كومەكتىڭ قولجەتىمدىلىگىن ارتتىرىپ, تۇرعىندارعا ساپالى ءارى ۋاقتىلى قىزمەت كورسەتۋگە مۇمكىندىك بەرەدى. اق حالاتتى جانداردىڭ قاجىرلى ەڭبەگى ءاردايىم قۇرمەتكە لايىق. جاڭا نىسان سىزدەردىڭ جۇمىستارىڭىزدى جەڭىلدەتىپ, كاسىبي مۇمكىندىكتەرىڭىزدى كەڭەيتەدى دەپ سەنەمىن», دەدى نۇرداۋلەت قيلىباي.زاماناۋي ستانتسيا جىلىنا 100 مىڭ شاقىرتۋعا قىزمەت كورسەتۋگە ارنالعان. عيمارات ورتالىقتاندىرىلعان بىرىككەن ديسپەتچەرلىك قىزمەتپەن, سيمۋلياتسيالىق جانە وقۋ-پراكتيكالىق ورتالىقپەن, سونداي-اق 20 سانيتارلىق اۆتوكولىككە ارنالعان جىلى گاراجبەن جابدىقتالعان.
سونىمەن قاتار 2025 جىلى ماڭعىستاۋ وبلىسى اكىمدىگىنىڭ قولداۋىمەن وبلىستىق جەدەل مەديتسينالىق جاردەم ستانتسياسىنا زاماناۋي مەديتسينالىق جابدىقتارمەن قامتىلعان 32 سانيتارلىق اۆتوكولىك ساتىپ الىندى. بۇدان بولەك «NCOC» كومپانياسىنىڭ دەمەۋشىلىك قولداۋى اياسىندا قوسىمشا 20 سانيتارلىق اۆتوكولىك الىندى. بۇل قولداۋ ءوڭىر تۇرعىندارىنا كورسەتىلەتىن مەديتسينالىق كومەكتىڭ قولجەتىمدىلىگى مەن ساپاسىن ارتتىرۋعا مۇمكىندىك بەرەدى.بۇل نىسان بىرەگەيلىگى جاعىنان استانا قالاسىنان كەيىنگى ەكىنشى ستانتسيا. الداعى ۋاقىتتا ەلىمىزدىڭ بارلىق وڭىرىندە وسىنداي ۇلگىدەگى مەديتسينالىق مەكەمەلەر سالۋ جوسپارلانىپ وتىر. بۇل نىساننىڭ باستى ەرەكشەلىگى – مۇندا دارىگەرلەردىڭ ساپالى جۇمىس ىستەۋى ءۇشىن قاجەتتى بارلىق جاعداي جاسالعان.