“قازاگرو” ۇلتتىق باسقارۋشى حولدينگى” اق ەنشىلەس ۇيىمى “اۋىل شارۋاشىلىعىن قارجىلاي قولداۋ قورى” اق, عالامدىق ەكولوگيالىق قور/بۇۇ دامۋ باعدارلاماسى/قازاقستان رەسپۋبليكاسى اۋىل شارۋاشىلىعى مينيسترلىگى ورمان جانە اڭشىلىق شارۋاشىلىعى كوميتەتىنىڭ “جاھاندىق ماڭىزعا يە سۋلى-باتپاقتى القاپتاردى قونىس اۋداراتىن قۇستاردىڭ مەكەندەيتىن ورىندارى رەتىندە كەشەندى ساقتاۋ: ءۇش جوبالىق اۋماقتاردا كورسەتۋ” جوباسى اياسىندا 2010-2015 جىلدارعا ارنالعان “تابيعي ورتا” شاعىن نەسيەلەندىرۋ باعدارلاماسىن جۇزەگە اسىرىلا باستادى.
وسى باعدارلاما بالاما قىزمەت تۇرلەرىن دامىتۋ جانە 25 ەقتا ماڭىنداعى جەرگىلىكتى تۇرعىنداردىڭ ءومىر ءسۇرۋ جاعدايىن جاقسارتۋ ءۇشىن ەرەكشە قورعالاتىن تابيعي اۋماقتارعا جاقىن ورنالاسقان اۋىل ايماقتارىنىڭ تۇرعىندارىن شاعىن نەسيەلەندىرۋگە باعىتتالعان.
نەسيە الۋدىڭ نەگىزگى شارتتارى ەقتا ماڭىندا ورنالاسقان اۋىل ايماقتارىندا تۇرۋ بولىپ تابىلادى. باعدارلاما بويىنشا ەڭ ۇلكەن نەسيە مولشەرى 4,5 جىلعا دەيىنگى مەرزىمگە 3100 ايلىق ەسەپتىك كورسەتكىشتى قۇرايدى.
بۇل “اۋىل شارۋاشىلىعىن قارجىلاي قولداۋ قورى” اق بۇۇ دب-مەن بىرلەسىپ جۇزەگە اسىرىلىپ جاتقان ءۇشىنشى جوبا. بۇدان بۇرىن قور “جاھاندىق ماڭىزعا يە سۋلى-باتپاقتى القاپتاردى قونىس اۋداراتىن قۇستاردىڭ مەكەندەيتىن ورىندارى رەتىندە كەشەندى ساقتاۋ: ءۇش جوبالىق اۋماقتاردا كورسەتۋ” جوباسى جانە “بۇرىنعى سەمەي يادرولىق پوليگونىنا جاقىن ورنالاسقان اۋدانداردا شاعىن نەسيە, شاعىن ليزينگ جانە بيزنەس كونسالتينگ قىزمەتىن ۇيىمداستىرۋ” جوباسى بويىنشا 2008-2011 جىلدارعا ارنالعان شاعىن نەسيەلەندىرۋ باعدارلاماسىن ىسكە اسىرعان بولاتىن.
وسى باعدارلامالار اياسىندا قور جالپى سوماسى 58 209 400 ملن. تەڭگەگە 62 بيزنەس جوباسىن قارجىلاندىردى. نەسيەلەندىرۋدىڭ نەگىزگى باعىتتارى قوناق ۇيلەردى, ەكولوگيالىق ءتۋريزمدى ۇيىمداستىرۋ, شاعىن جىلىجايلار سالۋ, قامىر يلەگىش قوندىرعىلار جانە نان پىسىرەتىن پەشتەر, تراكتورلار ساتىپ الۋ, مال شارۋاشىلىعىن دامىتۋ جانە ت.ب. جوبالارى بولدى. قازاقستان اۋماعىندا العاشقى رەت شاعىن ليزينگ باعدارلاماسى ىسكە اسىرىلدى. سونداي-اق, بيزنەس كونسالتينگ قىزمەتى كورسەتىلدى, ونىڭ ءناتيجەسىندە 1024 ادام وقىتىلدى جانە 251 اتاۋلى كونسۋلتاتسيالىق كومەك كورسەتىلدى.
“اۋىل شارۋاشىلىعىن قارجىلاي قولداۋ قورى” اق رەسپۋبليكانىڭ اۋىل تۇرعىندارىنا شاعىن نەسيەلەندىرۋ قىزمەتىن كورسەتەتىن جانە اۋىلدىق ايماقتارىنىڭ 100% گەوگرافيالىق قامتۋىن قامتاماسىز ەتەتىن 11 فيليال مەن 3 وكىلدىكتەن تۇراتىن دامىعان ينفراقۇرىلىمى بار ۇيىم. 2005 جىلدان باستاپ 2010 جىلدى قوسا العانداعى كەزەڭدە قور اۋىل تۇرعىندارىنا 63 مىڭنان استام شاعىن نەسيە بەرگەن. ءدۇنيەجۇزىلىك بانك جۇرگىزگەن زەرتتەۋلەر ناتيجەسىندە قور قارىز الۋشىلار سانى بويىنشا شىعىس ەۋروپا جانە ورتالىق ازيا ەلدەرى اراسىنداعى 10 ءىرى بانكتىك ەمەس ۇيىمدار قۇرامىنا ەندى. 2010 جىلى قور ءMىcrofىnanza ءRatىng حالىقارالىق رەيتينگ اگەنتتىگىنىڭ “ۆۆ+” الەۋمەتتىك رەيتينگىنە قول جەتكىزدى, بۇل قور ءوز اكتسيونەرى – “قازاگرو” ۇلتتىق باسقارۋشى حولدينگى” اق قويىلعان الەۋمەتتىك ماقساتتارعا قول جەتكىزە الاتىنىن بىلدىرەدى.
“تابيعي ورتا” باعدارلاماسى بويىنشا شاعىن نەسيەلەندىرۋ قر ۇكىمەتىنىڭ اۋىل تۇرعىندارىنىڭ شاعىن قارجىلاندىرۋعا قول جەتكىزۋ باستاماسىن بەلگىلى دارەجەدە تولىقتىرادى, كاسىپكەرلىك سالاسىنداعى ءبىلىمىن ارتتىرادى جانە دە ەڭ ماڭىزدىسى, ەقتا ماڭىنداعى جەرگىلىكتى حالىقتىڭ تابيعاتتى قورعاۋ سالاسىنداعى ساۋاتتىلىعىن ارتتىرادى.
ءسابيت تيمۋروۆ.