كەشە بۋرابايداعى “سامال” ساۋىقتىرۋ-دەمالىس ورتالىعىندا قازاقستاننىڭ ەسىرتكىگە قارسى كۇشتەرىنىڭ ءىى حالىقارالىق سەمينار-فورۋمى جۇمىسىن باستادى. ونى “سالاماتتى قازاقستان” رەسپۋبليكالىق قوعامدىق ۇيىمىنىڭ پرەزيدەنتى, پروفەسسور سوفيا ەۆدوكيموۆا كىرىسپە سوزبەن اشتى. اقمولا وبلىستىق ىشكى ساياسات باسقارماسىنىڭ باستىعى گۇلجانار بولاتوۆا فورۋمعا قاتىسۋشىلاردى قۇتتىقتاپ, تابىس تىلەدى.
جاستار ورتاسىندا ەسىرتكىدەن, ىشىمدىكتەن جانە شىلىم شەگۋدەن اۋلاق بولۋ قاعيداتتارىن قالىپتاستىرۋ, ونىڭ الدىن الۋ جولدارىن تالقىلاۋدى ماقسات ەتكەن بەس كۇندىك فورۋمعا ءتورت جۇزگە جۋىق ادام قاتىسۋدا. سەمينارلىق ساباقتاردا رەسەي, بەلورۋسسيا, ليتۆا, يزرايل, اقش, قازاقستان عالىمدارى مەن پسيحولوگتارى بىرنەشە تاقىرىپتا شەبەرلىك-سىنىپتار وتكىزەدى.
باقبەرگەن امالبەك, اقمولا وبلىسى.